کراچی کا موسم آج بھی شدید گرم؛ پارہ 42 ڈگری تک جانے کا امکان

مریم حسن

25th Jun, 2024. 11:43 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی کا موسم آج بھی شدید گرم؛ پارہ 42 ڈگری تک جانے کا امکان

کراچی میں موسم آج بھی شدید گرم اور مرطوب رہے گا، جس کی وجہ سے پارہ 42 ڈگری تک جانے کا امکان ہے۔

کراچی ہیٹ ویو کی لپیٹ میں ہے، حبس اور بے تحاشہ نمی نے شہریوں کو نڈھال کردیا، شہریوں کی رات انگاروں پر گزر گئی اور صبح کے ساتھ ہی پارہ پھر چڑھنے لگا۔

محکمہ موسمیات نے آج پارہ 42 ڈگری تک جانے کی پیش گوئی ہے اور اس دوران شہر میں گرمی کی شدت زیادہ محسوس کی جائے گی۔

محکمہ موسمیات کے مطابق ہوا میں نمی کا تناسب 76 فیصد ریکارڈ کیا گیا، تاہم ہوا میں نمی کا تناسب زیادہ ہونے کے باعث درجہ حرارت مختلف علاقوں میں 42 ڈگری تک محسوس کیا جاسکتا ہے۔

محکمہ موسمیات نے کراچی والوں کو صبر کی تلقین کردی اور کہا کہ گرمی کی شدت مزید دو روز برقرار رہے گی۔

واضح رہے کہ گزشتہ روز شہر میں رواں سال کا گرم ترین دن ریکارڈ کیا گیا، اوسط درجہ حرات 42 اشاریہ 6 ڈگری تک جا پہنچا۔

طبی ماہرین نے شہریوں کو احتیاط کا مشورہ دیا اور کہا کہ 11 سے شام 4 بجے تک دھوپ میں نہ نکلیں، ضروری کاموں سے نکلنے والے سر پر گیلا تولیہ یا رومال رکھیں، پانی کا زیادہ سے زیادہ استعمال کریں۔