شہر قائد میں طویل انتظار کے بعد بادل برسنا شروع

مریم حسن

08th Jul, 2024. 02:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شہر قائد میں طویل انتظار کے بعد بادل برسنا شروع

گزشتہ کئی دنوں کی شدید گرمی اور حبس کے بعد آج شہر قائد میں بادل برسنا شروع ہوگئے ہیں۔

شہر کے مختلف علاقوں میں کہیں تیز اور کہیں ہلکی بارش کا آغاز ہوگیا ہے۔

بحریہ ٹاؤن میں موسلادھار بارش جاری ہے اس کے علاوہ سرجانی ٹاؤن، اسکیم 33، خدا کی بستی اور گلشن حدید میں گہرے کالے بادل چھا گئے اور تیز آندھی چلنا شروع ہوگئی ہے۔

واضح رہے کہ محکمہ موسمیات نے 8 جولائی سے کراچی میں مون سون بارشوں کے آغاز کی پیش گوئی کی تھی جس کے بعد آج مون سون کی بارشوں کا آغاز ہوگیا ہے۔

محکمہ موسمیات کے جاری کردہ بیان میں کہا گیا تھا کہ آئندہ چوبیس گھنٹوں کے دوران مون سون ہواؤں کی زیر اثر شہر میں آج گرج چمک کے ساتھ بارش کا امکان ہے۔

شہرکا موجودہ درجہ حرارت 32 ڈگری سینٹی گریڈ ہے جبکہ آج زیادہ سے زیادہ درجہ حرارت 37 ڈگری سینٹی گریڈ تک جانے کا امکان ہے۔

محکمہ موسمیات نے مزید بتایا کہ شہر میں گرمی کی شدت 40 ڈگری سینٹی گریڈ تک محسوس کی جارہی ہے جبکہ ہوا میں نمی کا تناسب 70 فیصد ہے۔