ملک میں سردی کے ڈیرے؛ پہاڑی علاقوں میں موسم شدید سرد رہنے کا امکان

سلمان علی اعوان

24th Dec, 2024. 09:54 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک میں سردی کے ڈیرے؛ پہاڑی علاقوں میں موسم شدید سرد رہنے کا امکان

ملک بھر میں سردی نے ڈیرے ڈال لیے ہیں کراچی تا خیبر سرد ہواؤں کا راج ہے جبکہ پہاڑی علاقوں میں صبح اور رات کے اوقات میں موسم شدید سرد رہنے کا امکان ہے۔

محمکہ موسمیات کے مطابق ملک کے بیشتر علاقوں میں موسم آج سرد اور خشک رہے گا، اسلام آباد، خطہ پوٹھوہار اور خیبر پختونخوا میں چند مقامات پر صبح کے او قات میں کہرا پڑنے کی توقع ہے۔

پنجاب، بالائی سندھ اور خیبر پختونخوا کے میدانی علاقوں میں صبح اور رات کو اسموگ/دُھند کی توقع ہے جبکہ بلوچستان کے بیشتر اضلاع میں موسم سرد اورخشک رہے گا اور پہاڑی علاقوں میں صبح اور رات کے اوقات میں شدید سرد رہنے کا امکان ہے۔

اس کے علاوہ سکھر، شکارپور، کشمور، خیرپور اور گردونواح میں دھند چھائے رہنے کی توقع ہے جبکہ صوابی، مردان، پشاور، نوشہرہ، کوہاٹ اور گردو نواح میں چند مقامات پر کہرا پڑنے کا امکان ہے۔

محمکہ موسمیات نے بتایا کہ مری، گلیات اور گردو نواح میں موسم شدید سرد رہنے کا امکان ہے جبکہ سیالکوٹ، ناروال، گوجرانوالہ، منگلا، جہلم اور راولپنڈی میں ہلکی دھند متوقع ہے۔

بعدازاں لاہور، شیخوپورہ، ساہیوال، فیصل آباد، جھنگ، سرگودھا، اوکاڑہ، ملتان، بہاولپور، بہاولنگر، رحیم یار خان، ڈی جی خان اور گردونواح میں دُھند چھائے رہنے کی توقع ہے۔