کراچی کا موسم آج کیسا رہے گا؟ محکمہ موسمیات نے خبردار کردیا

مریم حسن

11th May, 2025. 09:58 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی کا موسم آج کیسا رہے گا؟ محکمہ موسمیات نے خبردار کردیا

کراچی: محکمہ موسمیات نے شہر قائد کے موسم کے حوالے سے پیش گوئی کرتے ہوئے کہا ہے کہ آج ایک اور گرم دن متوقع ہے۔

محکمہ موسمیات کے مطابق کراچی میں وقفے وقفے سے تیز ہوائیں چلیں گی جبکہ موسم گرم اور مرطوب رہے گا۔

موسم کا حال بتانے والوں کا کہنا ہے کہ شہر میں ہوا میں نمی کا موجودہ تناسب 70 فیصد ہے جبکہ دن میں محسوس کیا جانے والا درجہ حرارت 36 تا 37 ڈگری سینٹی گریڈ ریکارڈ ہونے کا امکان ہے۔

علاوہ ازیں ہوا میں نمی کا تناسب زیادہ ہونے سے گرمی کی شدت زیادہ محسوس کی جائے گی جبکہ شہر میں اس وقت 12 کلو میٹر فی گھنٹہ کی رفتار سے جنوب مغربی ہوا چل رہی ہے، تاہم بارش کا کوئی امکان نہیں ہے۔

مزید پڑھیں: کراچی میں گرمی اور ہیٹ ویو کا خطرہ، محکمہ موسمیات نے الرٹ جاری کر دیا

واضح رہے کہ کراچی کے بارے میں بات کرتے ہوئے انجم نذیر نے واضح کیا تھا کہ شہر میں ہیٹ ویو کی صورتحال نہیں ہو گی، تاہم یہاں نمی کا تناسب زیادہ رہے گا، جس کی وجہ سے محسوس ہونے والا درجہ حرارت معمول سے زیادہ ہو گا۔

انہوں نے مزید کہا کہ موسمیاتی تبدیلیوں کے باعث پاکستان کا موسم تیزی سے تبدیل ہو رہا ہے، جس کے نتیجے میں سردیوں کا موسم کم اور گرمیوں کا موسم طویل ہوتا جا رہا ہے۔

محکمہ موسمیات نے عوام کو احتیاطی تدابیر اختیار کرنے کی ہدایت کی ہے اور بتایا ہے کہ اس دوران پانی کا زیادہ استعمال اور دھوپ سے بچاؤ ضروری ہو گا تاکہ صحت کے مسائل سے بچا جا سکے۔