شدید گرمی کا وار، کراچی میں آج بھی موسم بے حال

مریم حسن

16th May, 2025. 10:19 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شدید گرمی کا وار، کراچی میں آج بھی موسم بے حال

شہر قائد میں گرمی اور حبس کی شدت میں اضافہ ہو گیا ہے، جبکہ سمندری ہوائیں معطل ہونے کے باعث موسم مزید گرم اور مرطوب محسوس کیا جا رہا ہے۔

پاکستان میں جاری ہیٹ ویو کے باعث شہر قائد میں گرمی کی شدت میں بتدریج اضافہ ہونے لگا ہے۔

محکمہ موسمیات کے مطابق کراچی میں آج بھی موسم گرم اور مرطوب رہے گا، تاہم آج کم سے کم درجہ حرارت 30 ڈگری سینٹی گریڈ ریکارڈ کیا گیا جبکہ زیادہ سے زیادہ درجہ حرارت 38 ڈگری سینٹی گریڈ تک جانے کا امکان ہے۔

محکمہ موسمیات نے بتایا کہ ہوا میں نمی کا تناسب 79 فیصد ریکارڈ کیا گیا ہے، جس کے باعث گرمی کی شدت معمول سے 2 سے 4 ڈگری زیادہ محسوس کی جا رہی ہے۔

اس وقت شہر کا درجہ حرارت 32 ڈگری سینٹی گریڈ ہے، تاہم محسوس کی جانے والی گرمی 35 ڈگری سینٹی گریڈ تک پہنچ چکی ہے۔

مزید پڑھیں: ملک کے بیشتر علاقوں میں رواں برس کی پہلی ہیٹ ویو

محکمہ موسمیات کا کہنا ہے کہ شہر میں جنوب مغربی سمت سے 15 کلومیٹر فی گھنٹہ کی رفتار سے ہوائیں چل رہی ہیں، تاہم آج مطلع صاف رہے گا اور بارش کا کوئی امکان نہیں ہے۔

محکمہ موسمیات کے مطابق کراچی سمیت سندھ کے بیشتر علاقے ہیٹ ویو کی لپیٹ میں ہیں اور یہ سلسلہ 20 مئی تک جاری رہنے کی پیشگوئی کی گئی ہے۔

ماہرین صحت نے ہیٹ ویو کے پیش نظر کراچی کے شہریوں کو احتیاط کی ہدایت کرتے ہوئے کہا ہے کہ شہری صبح 11 سے شام 4 بجے تک غیر ضروری طور پر گھروں سے باہر نہ نکلیں۔