کراچی میں گرمی کی شدت برقرار، درجہ حرارت میں کتنا اضافہ ہوگا؟

مریم حسن

27th May, 2025. 09:53 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں گرمی کی شدت برقرار، درجہ حرارت میں کتنا اضافہ ہوگا؟

شہر قائد میں گزشتہ چند روز سے گرمی کی شدت برقرار ہے جس کے سبب آج زیادہ سے زیادہ درجہ حرارت 40 ڈگری سینٹی گریڈ رہنے کا امکان ہے۔

محکمہ موسمیات کے مطابق شہر کا موسم آج بھی گرم اور مرطوب رہے گا جبکہ آج کم سے کم درجہ حرارت 30 ڈگری سینٹی گریڈ ریکارڈ کیا گیا۔

شہر میں ہوا میں نمی کا تناسب 72 فیصد ریکارڈ کیا گیا، تاہم ہوا میں نمی کا تناسب زیادہ ہونے سے گرمی کی شدت زیادہ محسوس کی جائے گی۔

محکمہ موسمیات نے بتایا ہے کہ شہر میں سمندری ہوائیں مکمل معطل ہیں، تاہم شام کے اوقات میں سمندری ہواییں جزوی بحال ہونگی جبکہ آج مطلع مکمل صاف رہے گا اور بارش کا کوئی امکان نہیں ہے۔

مزید پڑھیں: کراچی میں گرمی کی شدت میں مزید اضافے کی پیشگوئی

محکمہ موسمیات کی جانب سے شہریوں کو احتیاطی تدابیر اختیار کرنے کی ہدایت کی گئی ہے تاکہ گرمی کی شدت سے بچا جا سکے۔

ماہرین کا کہنا ہے کہ گرمی کے شدید اثرات سے بچنے کے لیے شہری بلاضرورت باہر نکلنے سے گریز کریں، شدید گرمی کے دوران باہر نکلتے وقت سر پر ٹوپی یا رومال رکھیں، مناسب مقدار میں پانی پئیں تاکہ جسم میں پانی کی کمی نہ ہو۔

زیادہ تر وقت ٹھنڈی جگہوں پر گزاریں اور براہِ راست دھوپ سے بچیں، بچوں، بزرگوں اور بیمار افراد کا خاص خیال رکھیں۔