کراچی میں مزید کتنی بارش، سسٹم کمزور یا طاقتور؟ جانیے مکمل تفصیل

مریم حسن

10th Sep, 2025. 10:45 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں مزید کتنی بارش، سسٹم کمزور یا طاقتور؟ جانیے مکمل تفصیل

کراچی میں حالیہ بارشوں کے بعد شہریوں کے ذہنوں میں ایک ہی سوال ہے کہ کیا بارشوں کا سلسلہ جاری رہے گا یا موسم صاف ہو جائے گا؟

محکمہ موسمیات کے مطابق شہر پر موجود بارش برسانے والا سسٹم آئندہ چند گھنٹوں میں کمزور پڑنے کی توقع ہے جبکہ شہر کے مختلف علاقوں میں آج بھی وقفے وقفے سے بارش کا امکان موجود ہے۔

محکمہ موسمیات نے بتایا کہ کراچی میں بارش برسانے والا شدید موسمی سسٹم اس وقت بھی برقرار ہے، سسٹم کا مرکز کراچی کے مغرب میں تقریباً 60 کلومیٹر کے فاصلے پر موجود ہے، جس کے باعث شہر کے مغربی علاقوں میں موسلادھار بارش برسانے والے بادل موجود ہیں۔

اس کے علاوہ آئندہ چند گھنٹوں میں یہ سسٹم اپنی شدت کھو دے گا اور بتدریج کمزور ہو کر ہوا کے کم دباؤ میں تبدیل ہو جائے گا۔

محکمہ موسمیات کے مطابق شہرِ قائد میں آج بھی وقفے وقفے سے درمیانی سے موسلادھار بارش کا امکان ظاہر کیا گیا ہے۔