افغانستان کے صوبے بدغیس میں ہوٹل قلعہ نوین پر طالبان کے حملے میں آٹھ سیکورٹی اہلکار ہلاک اور سات زخمی ہوگئے۔
تفصیلات کے مطابق وزارت داخلہ کے ترجمان نصرت رحیمی نے کہا کہ خود کش حملہ آوروں کا ایک گروپ ہوٹل میں داخل ہوا جبکہ پولیس نے علاقے کا محاصرہ کیا ہوا تھا۔
انہوں نے کہا کہ تین حملہ آوروں کو ہلاک کردیا گیا ہے جبکہ دو کو گرفتار بھی کیا گیا ہے۔
طالبان نے حملے کی ذمہ داری قبول کرتے ہوئے کہا کہ ان کے حملہ آور سیکورٹی فورسز کے خلاف برسر پیکار ہیں۔
واضح رہے کہ اس سے قبل آج صبح بھی ایک پرتشدد واقعے کے نتیجے میں ایک امریکی فوجی مارا گیا ہے۔
Advertisement
نیٹو فورسز نے ایک امریکی فوجی کی ہلاکت کی تصدیق کی ہے، تاہم مغربی دفاعی اتحاد نیٹو کی زیر سربراہی ریزولیوٹ سپورٹ مشن نے ہلاک ہونے والے فوجی کی شناخت ظاہر نہیں کی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
