بحیرہ روم میں تارکین وطن کی کشتیاں ڈوبنے سے 150 افراد ہلاک

سید قاسم رضا

26th Jul, 2019. 11:35 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بحیرہ روم میں تارکین وطن کی کشتیاں ڈوبنے سے 150 افراد ہلاک

بحیرہ روم میں تارکین وطن کی دو کشتیاں ڈوبنے سے 150 افراد ہلاک ہوگئے ۔

غیر ملکی خبر رساں ادارے کے مطابق لیبین کوسٹ گارڈ زکے حکام کا کہنا ہے کہ تارکین وطن لیبیا سے یورپ جانے کی کوشش کررہے تھے کہ بحیرہ روم میں کشتیاں الٹ گئیں جس سے 150 افراد ہلاک ہوگئے ہیں ۔

حکام کا کہنا ہے کہ حادثے کا شکار ہونے والی 2 کشیتوں میں تقریباً300افراد سوار تھے۔

حادثے کے بارے میں اقوام متحدہ کے ادارہ برائے مہاجرین کے ترجمان چارلی یاکسلی بتایا ہے کہ147 مہاجرین کو زندہ بچا لیا گیا ہے۔ایک اندازے کے مطابق 150 تارکین وطن ایسے ہیں جو تاحال لاپتہ ہیں اور خدشہ ہے کہ وہ سمندر میں ڈوب گئے ہیں۔

اقوام متحدہ نے بحیرہ روم میں تقریبا تین سو مہاجرین سے بھری دو کشتیوں کے کھلے سمندر میں الٹ جانے کو سال کا سب سے بڑا المیہ قرار دے دیا ہے ۔

اقوام متحدہ کی رپورٹ کے مطابق رواں سال میں اب تک بحیرہ روم میں 700 کے قریب مہاجرین اور تارکین وطن ہلاک ہوچکے ہیں۔