افغانستان  کے دارلحکومت  کابل میں  یکے بعد دیگرے تین بم دھماکے   کے نتیجے میں 15 افراد  ہلاک جبکہ  47 زخمی ہوگئے ۔

افغان وزارت    دفاع    کے ترجمان نصرت رحیمی  کا کہنا ہے کہ     آج جمعرات کو   افغانستان کے دارلحکومت  کابل میں  یکے  بعد دیگرے  تین  بم دھماکوں  میں کم ازکم  15    سرکاری  ملازمین ہلاک ہوگئے ہیں ۔

پہلا  دھماکہ  بس میں نصب بم  پھٹنے   سے     ہوا  جس میں آٹھ  سرکاری ملازمین ہلاک  جبکہ ستائیس  زخمی ہوگئے ہیں  ہوگئے۔ ہلاک ہونے والے  افراد میں   پانچ عورتیں  اور بچے بھی شامل ہیں ۔

بس دھماکے کے کچھ منٹ بعد  ایک خودکش حملہ آور نے  دھماکے کی جگہ سے کچھ فاصلے پر  خود کو اڑا دیا  جس کے نتیجے میں  کم از کم سات افراد ہلاک  جبکہ  بیس  زخمی ہوگئے ۔

انہوں نے مزید بتایا کہ تیسرے دھماکے  میں   عسکریت پسندوں   نے ایک گاڑی    کو تباہ  کردیا  ہے جس کے باعث  ہلاکتوں  میں اضافہ ہوسکتا ہے  ۔

دوسری جانب  گاڑی کو  تباہ کرنے کی زمہ داری قبول کرتے ہوئے  طالبان کے ترجمان کا کہنا تھا کہ دھماکے میں   9 غیر ملکی فوجی ہلاک جبکہ  دو گاڑیاں  تباہ  کر دی  ہے۔

کابل انتظامیہ کی جانب سے  طالبان کے دعوے  کی  تصدیق نہیں  کی گئی ہے ۔

اس موقع پر پاکستانی دفتر خارجہ کے ترجمان ڈاکٹر محمد فیصل نے کہا  ہےکہ دکھ کی گھڑی میں افغان عوام کے ساتھ ہیں ،پاکستان ہر قسم کی دہشت گردی کی مذمت کرتا ہے۔

ڈاکٹر محمد فیصل نے کہا کہ پاکستان امن قائم کرنے اور افغانستان میں استحکام کی کوششوں کی حمایت کرتا رہے گا۔