برازیل میں دن دیہاڑے ڈکیتی، ڈاکو لاکھوں ڈالرزکا سونا لے اڑے

سید قاسم رضا

26th Jul, 2019. 11:18 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

برازیل میں دن دیہاڑے ڈکیتی، ڈاکو لاکھوں ڈالرزکا سونا لے اڑے

برازیل میں دن دیہاڑے ڈکیتی کی واردات میں ڈاکو لاکھوں ڈالرز کا سونا اور دیگر دھاتیں لوٹ کر فرار ہو گئے ۔

غیر ملکی خبر رساں ادارے کے مطابق برازیل میں ساؤ پالو ایئر پورٹ کے کارگو ٹرمینل سے مسلح افراد دن دیہاڑے 40 ملین ڈالرز (تقریباً6 ارب 45 کروڑ روپے ) کا سونا اور دیگر قیمتی دھاتیں لوٹ کرفرار ہو گئے۔

ایئر پورٹ سے موصول ہونے والی سی سی ٹی وی فوٹیج کے مطابق جمعرات کو دن ڈھائی بجے کے قریب ڈاکو سیاہ رنگ کی پک اپ میں ساؤ پالو کے ایئر پورٹ پہنچے۔ ڈاکوؤں نے فیڈرل پولیس کی وردیوں سے ملتی جلتی وردیاں پہن رکھی تھیں۔

ایئر پورٹ ترجمان کا کہنا ہے کہ ڈکیتی کی واردات میں کوئی شخص زخمی نہیں ہوا تاہم انہوں نے یرغمال بنائے گئے دو افراد کے بارے میں کوئی تفصیل بتانے سے معذرت کر لی۔پولیس نے واقعے کی تحقیقات شروع کر دی ہیں ۔

واضح رہے کہ گذشتہ برس مارچ میں بھی ساؤ پالو کے ہی ایک ایئر پورٹ سے مسلح افراد 50 لاکھ ڈالرز لے کر غائب ہو گئے تھے۔