ایران کا ایک اور بلیسٹک میزائل تجربہ

عروبہ خان

27th Jul, 2019. 02:34 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایران کا ایک اور بلیسٹک میزائل تجربہ

ایران نے امریکی دھمکیاں کو نظر انداز کر تے ہوئے ایک اور بلیسٹک میزائل کا تجربہ کرلیا۔

تفصیلات کے مطابق امریکی حکام کا دعویٰ ہے کہ ایران نے واشنگٹن کے مطالبے کی مخالفت کرتے ہوئے ایک اور بلیسٹک میزائل کا تجربہ کر لیا ہے۔

امریکی عہدیدار نے شناخت ظاہر نہ کرنے کی شرط پر ایران کی جانب سے میزائل تجربے کی تصدیق کی اور وائٹ ہاؤس نے ایک مختصر بیان میں کہا کہ ایران میں میزائل تجربے کی خبروں سے آگاہ ہیں لیکن وائٹ ہاؤس حکام نے مزید تبصرہ کرنے سے انکار کردیا۔

واضح رہے کہ ایرانی حکام کی جانب سے بتایا گیا ہے کہ یہ میزائل تجربہ ایران کے جنوب مشرقی علاقے میں کیا گیا۔

ایران کی جانب سے میزائل تجربہ ایک ایسے وقت میں کیا گیا ہے جب ایران اور مغربی ممالک کے درمیان خلیج فارس اور آبنائے ہرمز میں کمرشل جہازوں کی حفاظت سے متعلق کشیدگی میں اضافہ ہوا۔