شام میں اتحادی فورسز کا فضائی حملہ، 10 شہری جاں بحق

سید قاسم رضا

26th Jul, 2019. 02:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شام میں اتحادی فورسز کا فضائی حملہ، 10 شہری جاں بحق

شام میں جنگجوؤں کے زیر تسلط علاقے ادلب میں روسی اتحادی فورسز کی فضائی کارروائی میں 10 شہری جاں بحق اور متعدد زخمی ہوگئے۔

غیر ملکی خبر رساں ادارے کے مطابق شام میں امدادی ٹیم کے ایک رکن کا کہنا ہے کہ حکومتی اتحادی افواج کی جانب سے کئے گئے فضائی حملوں میں تین بچوں سمیت 10 شہری ہلاک ہوگئے ہیں ۔

اتحادی افواج کی جانب سے ادلب ، حلب اور حاما کے علاقوں کو نشانہ بنایا گیا ہے ۔

سول ڈیفنس ٹیم کے حکام کا کہنا ہے کہ 4 افراد کفررومہ ، مرہ نعماں ، اور ادلب میں جبکہ 5 افراد حلب میں ہلاک ہوئے جبکہ شام میں انسانی حقوق کے مبصرین کے مطابق 1 شخص ادلب میں ہلاک ہواہے ۔

واضح رہے کہ رواں سال اپریل میں حکومت کی جانب سے حملوں کے نتیجے میں ہزاروں افراد بے گھر ہوگئے تھے جبکہ 8 سالوں سے جاری اس خانہ جنگی میں حکومت نے ہمیشہ جنگجوؤں کے زیر تسلط علاقوں کو خالی کرانے کے لئے اس طرح کی حکمت عملی استعمال کی ہے۔

خانہ جنگی کے آغاز سے ہی شام کا شمال مغربی ضلع ادلب مخالفین کے قلعے کی حیثیت رکھتا ہے۔ اس وقت اندرون ملک ہجرت کی وجہ سے ادلب کی مرکز کی آبادی 4 ملین تک پہنچ چکی ہے۔