ایران کی پارلیمنٹ میں کشمیریوں سے اظہاریکجہتی اوربھارتی اقدام کے خلاف قرارداد پیش کردی گئی ہے۔

ایرانی میڈیا کے مطابق قرارداد کے متن میں کہا گیا کہ ایران سمیت دنیا بھرکےتمام مسلمان ممالک کی یہ ذمہ داری ہے کہ مظلوم کشمیریوں کے حق میں آوازاُٹھائی جائے۔

ایران کی پارلیمنٹ میں کشمیریوں کے حق میں قرارداد ایرانی ممبرپارلیمنٹ علی متھاری نے پیش کی۔

قرارداد میں مطالبہ کیا گیا کہ مسلم امہ سمیت تہران کشمیر کے معاملے پر خاموش نہیں رہ سکتے،مسلم امہ آگے آئے اور مشکل میں گرے کشمیری بہن بھائیوں کیلئے اپنا کردار ادا کرے۔

قرارداد کے متن میں یہ بھی کہا گیا کہ مقبوضہ کشمیر کے لوگ تنہا نہیں ہیں، ایران میں رہنے والوں کی بڑی تعداد کشمیریوں کیسا تھ ہے۔

قرارداد کے متن میں واضح کیا گیا کہ بھارت کی طرف سے مقبوضہ کشمیر کی خصوصی حیثیت ختم کرنا مظلوم کشمیریوں کے حقوق کی خلاف ہے۔

ایرانی میڈیا کا کہنا تھا کہ مقبوضہ کشمیرکی حالت کافی بدترہے، بھارت وادی میں بدترین کرفیو لگائےبیٹھا ہے، لوگوں کوہراساں کیے جانے کے ساتھ ساتھ گرفتاربھی کیا جارہا ہے۔

قرارداد کے متن میں مزید کہا کہ بھارت مقبوضہ کشمیرکی خصوصی حیثیت بحال کرے اور کرفیو کو ختم کرے۔

دوسری جانب اقوام متحدہ کے انسانی حقوق نے بھی مودی سرکار سے مقبوضہ کشمیر میں جاری کریک ڈاؤن ختم کرنے کے مطالبہ کرنے  کے ساتھ کشمیریوں کے خلاف طاقت کے استعمال پراپنی سخت تشویش ظاہرکی ہے۔

اقوام متحدہ کےانسانی حقوق نے بھارت سےکہا کہ کشمیری مسلمانوں پربھارتی ظلم وستم پرلاتعلق نہیں رہ سکتے مقبوضہ کشمیرمیں ذرائع اطلاعات فورا بحال کئے جائیں۔

واضح رہے گزشتہ روز ران کےسپریم لیڈر آیت اللہ خامنه ای نے وادی کشمیرمیں مسلمانوں کی ابترصورتحال پرغم وغصے کا اظہارکیا تھا۔ایران کے سپریم لیڈر کا یہ بھی کہنا تھا کہ بھارت مقبوضہ کشمیر پرسے دباؤ ختم کرے اورمقبوضہ وادی کے لیے شفاف پالیسی اختیار کرے۔