چین نے اپنی پوزیشن بھارت پر واضح کردی، دورے پر آئے بھارتی وزیر خارجہ کو منہ کی کھانی پڑی۔

تفصیلات کے مطابق چینی وزیر خارجہ وانگ ژی نے دورے پر آئے بھارتی وزیرہم منصب  کو کھری کھری سنا دیں۔

چینی وزیرخارجہ وانگ ژی نے بھارتی وزیر خارجہ جے شنکر کو دو ٹوک انداز میں بتا دیا کہ بھارت نے مقبوضہ کشمیر کی خصوصی حیثیت ختم کر کے چین کی سالمیت اورمفادات کو للکارا ہے۔

چینی وزیر خارجہ وانگ ژی کا کہنا تھا کہ بھارت نے سرحدی تحفظ،امن و سلامتی کے معاہدے کی خلاف ورزی کی ہے۔

چینی وزیر خارجہ کا یہ بھی کہنا تھا کہ چانکیہ کےہتھکنڈے اورمکاریاں چین میں نہیں چلتیں۔

وزیر خارجہ نے کہا کہ بھارتی آئین میں تبدیلی سے کشمیر کا تشخص تبدیل ہورہا ہے، خصوصی حیثیت ختم کیے جانے کے بعد مزید کشیدگی پیدا ہو گی۔

وزیر خارجہ وانگ ژی نے مزید کہا کہ چین صورتحال پچیدہ بنانے والے ہر یکطرفہ بھارتی  اقدام کا مخالف ہے۔

واضح رہے کہ جموں و کشمیر کی حیثیت کو بدلنے پر چین نے بھارت کو کھلی دھمکی دیدی تھی کہ نئی دہلی اس آگ سے نہ کھیلے جو اسے فنا کر سکتی ہے۔ترجمان چینی وزارت خارجہ نے بیان میں کہا تھا کہ چینی علاقائی خود مختاری کو کمزور کرنے کے لئے حالیہ بھارتی یک طرفہ فیصلہ قوانین کی خلاف ورزی ہے جو چین کے لئے ناقابل قبول ہے

جبکہ پاکستانی وزیر خارجہ شاہ محمود قریشی کا کہنا تھا کہ بھارت کا کشمیر کی آئینی حیثیت پر یکطرفہ فیصلہ چین کو بھی پسند نہیں آیااور وہ سیکیورٹی کونسل میں پاکستان کی بھرپور حمایت کرے گا۔