پیرس کی فضائیں مودی دہشت گرد ، انڈیا دہشت گرد ، کشمیریوں کا قتل عام بند کرو اور ہم کیا مانگیں آزادی کے نعرے سے گونج اٹھیں۔

پیرس میں ایفل ٹاور کے سامنے بھارتی ریاستی دہشت گردی کے خلاف اور کشمیریوں کے ساتھ یکجہتی کا بھرپور مظاہرہ ۔

مظاہرہ پاکستانی اور کشمیری کمیونٹی کے راہنماؤں نے آرگنائز کیا۔

کشمیری راہنماؤں کا کہنا ہے کہ ان مظاہروں کا مقصد بھارتی کے غیر آئینی اور مکروہ اقدامات کو دنیا کے سامنے لاکر بھارت کا دہشت گردانہ چہرہ دکھانا ہے ۔

 اور اقوام عالم کو بتانا ہے کہ گزشتہ ستر سال سے مظلوم کشمیری بھارت کی طرف سے ظلم و بربریت کا شکار ہیں اور مودی کے دور حکومت  میں کشمیریوں کی نسل کشی کی جارہی ہے۔

حالیہ دنوں میں بھارتی فوج نے ریاستی دہشت گردی کا مظاہرہ کرتے ہوئے مقبوضہ کشمیر میں نہتے کشمیریوں کو شہید کردیا۔ بھارت کی اس بربریت کے خلاف فرانس کے دارالحکومت پیرس میں ایک احتجاجی مظاہرے کا اہتمام کیا گیا۔

اس مظاہرے میں پاکستانی اور کشمیری کمیونٹی کے نمائیندوں نے بھرپور شرکت کی اور  اس موقع پر مظاہرین نے اپنے ہاتھوں میں کشمیرکے جھنڈے اور بھارت مخالف نعروں والے کتبے اٹھا رکھے تھے۔ اور اس موقع پر انڈیا کے خلاف بھرپور نعرے بازی کی۔  مظلوم کشمیریوں سے اظہار یکجہتی کرتے ہوئے کہا کہ ان کی جدوجہد جمہوری ہے  اور اپنی مرضی سے مستقبل کا فیصلہ ان کا حق ہے،  کشمیر کا مسئلہ حل طلب ہے اور دنیا کو اس پر توجہ دینی چاہیئے۔

آج ترقی یافتہ ممالک جانوروں کے حقوق کی بات کرتے ہیں لیکن کشمیر میں انسانی حقوق کی خلاف ورزیوں پر خاموشی سمجھ سے بالاتر ہے۔

مقررین نے مظاہرے سے خطاب کرتے ہوئے کہا کہ مقبوضہ کشمیر میں انسانی حقوق کی کھلم کھلا خلاف ورزی ہو رہی ہے۔

کشمیریوں کی پر امن اور جمہوری جدوجہد کو روکنے کے لئے طاقت کے بے دریغ استعمال کیا جارہا یے لیکن اس کے باوجود بھارت کے قابض فوج کے سامنے کشمیری ڈٹے ہوئے ہوئے اور دنیا سے مطالبہ کر رہے ہیں کہ کشمیر میں استصواب رائے کروایا جائے۔