بھارتی وزیراعلیٰ ممتا بینرجی نے کہا کہ کشمیر میں انسانی حقوق کی خلاف ورزی ہورہی ہے۔

تفصیلات کے مطابق مقبوضہ کشمیر میں انسانیت سوزمظالم پر ریاست مغربی بنگال کی وزیراعلیٰ ممتا بینرجی بھی بول اُٹھیں۔

وزیراعلیٰ ممتا بینرجی نےمودی سرکار کو آئینہ دکھاتے ہوئے کہا ہے کہ آج انسانی حقوق کا عالمی دن ہے ، کشمیر میں انسانی حقوق کی پامالی کی جارہی ہے۔

ممتا بینرجی کا کہنا تھا کہ انسانی حقوق کا معاملہ میرے دل کے انتہائی نزدیک ہے۔

وزیراعلیٰ ممتا بینرجی کا مزید کہنا تھا کہ میں نے 1995 میں قید خانے میں ہلاکتوں کے خلاف 21 روز سڑک پر گزارے اور احتجاج کیا۔

علاوہ ازیں مقبوضہ کشمیر میں مودی سرکار کی جانب سے انسانی حقوق کی سنگین خلاف وزری پر بھارتی کانگریس کے سینئرلیڈرغلام نبی آزاد نے بھی کشمیری رہنماؤں کی رہائی اور آرٹیکل 370کی منسوخی کا مطالبہ کردیا۔

سینئرلیڈرغلام نبی آزاد کا کہنا تھا کہ آرٹیکل 370کا فیصلہ غلط تھا ، فیصلے سے کوئی خوش نہیں ،کشمیر ی رہنماؤں کو رہا اور آرٹیکل 370کو منسوخ کیاجائے۔

بھارتی کانگریس کے سینئرلیڈر غلام نبی آزاد نے مقبوضہ وادی میں  معمولات زندگی بحال کرنے کا مطالبہ بھی کیا ۔

واضح رہے کہ مودی سرکار کی جانب سے رواں ماہ 5 اگست کو مقبوضہ کشمیر کو خصوصی حیثیت دینے والے آرٹیکل 370 کو ختم کردیا گیا تھا،جس کے بعد سے سمسل پندوہ روز سے کر فیو نا فذ ہے اور آمدورفت کا سلسلہ مکمل طور پر معطل ہے۔

مقبوضہ کشمیرمیں مسلسل 15 ویں روز بھی کرفیو اور دیگر پابندیاں برقرار ہیں۔ سری نگر کا مصروف علاقہ لال چوک آج بھی ویران ہے جہاں سڑکوں سے ٹریفک غائب ہے، بھارت مخالف احتجاج روکنے کے لیے جگہ جگہ بھارتی فوج تعینات ہے۔

اس صورتحال میں کرفیو کے باوجود کشمیریوں کے بھارت مخالف مظاہرے جاری ہیں، جو پاکستانی پرچم تھامے آزادی کے حق میں اور ’’گو انڈیا گو‘‘ کے نعرے لگا رہے ہیں۔