ڈھاکہ میں آگ لگنے سے 15ہزار گھر متاثر ہوئے جس کے باعث 50 ہزار افراد بے گھر ہوگئےہیں۔

تفصیلات کے مطباق بنگلہ دیش کے دارالحکومت ڈھاکہ کے علاقے میرپور کی کچی آبادی میں آگ نے تباہی مچا دی۔

میئر ڈھاکہ کے مطابق  آگ لگنے کے واقعے میں کسی ہلاکت کی اطلاع نہیں ہے تاہم سامان نکالنےکی کوشش میں متعددافرادجھلس کر زخمی ہو گئے جو اسپتال میں زیرعلاج ہیں۔

میئر ڈھاکہ کا کہنا تھا کہ آگ پلاسٹک کی چھتوں کے باعث پھیلی اور چھ گھنٹے تک جاری رہی۔

میئر ڈھاکہ کا یہ بھی کہنا تھا کہ متاثرہ افراد کو عارضی پناہ گاہوں میں منتقل کیا جارہاہے، بے گھر افراد کی بحالی تک ان کی تمام بنیادی ضروریات کا مکمل خیال رکھا جائے گا

میئر ڈھاکہ کا  مزید کہنا ہے کہ متاثرہ علاقے کے قریب ہی متاثرین کے لیے ’مستقل عمارتیں‘ بھی تعمیر کی جا رہی ہیں۔

خیال رہے کہ بنگلہ دیشن کے بازاروں، کچی آبادیوں اور فیکٹریوں میں آگ لگنا معمول بن گیا ہے۔ فروری میں ڈھاکہ کی ایک رہائشی عمارت میں آگ لگنے سے 80 افراد ہلاک اور 50 زخمی ہو گئے تھے۔ عمارت میں باآسانی جلنے والا مواد موجود تھا جس کے باعث شہر کے گنجان اور تاریخی علاقے میں آگ پھیل گئی تھی جبکہ رواں برس مارچ میں بھی ڈھاکہ کی ایک 22 منزلہ عمارت میں آگ لگنے سے کم از کم 25 افراد ہلاک ہو گئے تھے۔