چلی: حکومت مخالف ریلی کے دوران مظاہرین اور پولیس میں تصادم

سید قاسم رضا

06th Sep, 2019. 10:38 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چلی: حکومت مخالف ریلی کے دوران مظاہرین اور پولیس میں تصادم

چلی میں حکومت مخالف ریلی کے دوران مظاہرین اور پولیس میں تصادم کے بعد پولیس نے متعدد مظاہرین کو گرفتار کرلیا۔

غیر ملکی خبر رساں ادارے کے مطابق جمعرات کے روز چلی کے دارالحکومت سینٹیاگو میں حکومت مخالف ریلی کے دوران مظاہرین اور پولیس میں تصادم کے متعدد واقعات رپورٹ ہوئے ۔

ریلی کے دوران مظاہرین نے چار وں طرف سے صدر کی سرکاری رہائش گاہ ، لا مونیدا محل کا محاصرہ کیا۔ جس پر پولیس نے مشتعل مظاہرین کو منتشر کر نے کے لئے آنسو گیس اور واٹر کینن کا استعمال کیا جبکہ مظاہرین میں سے متعدد کو گرفتار کرلیا ۔

غیر ملکی میڈیا کے مطابق احتجاج شہریوں کا بنیادی سہولیات کی فراہمی کے لئے کیا جارہا تھا جس میں سی یو ٹی یونین کنفیڈریشن سمیت 60 تنظیموں کے افراد شریک تھے۔

ریلی میں سی یو ٹی یونین کنفیڈریشن نے بہتر صحت عامہ کے نظام ، مفت اور معیاری تعلیم سمیت بنیادی سہولیات کی فراہمی کے لئے مطالبات کیے۔