وزیر اعظم کے بعد چین اور ملائیشاء نے کشمیر کیلئے آواز اٹھالی

عروبہ خان

28th Sep, 2019. 05:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر اعظم کے بعد چین اور ملائیشاء نے کشمیر کیلئے آواز اٹھالی

نیویارک میں وزیر اعظم عمران خان نے کشمیر کے لئے آواز بلند کرتے ہوئے اقوام متحدہ میں خطاب کیا جس کے بعد چین اور ملائیشیاء نے بھی کشمیر کے لئے آواز اٹھالی۔

تفصیلات کے مطابق چین کے وزیر خارجہ وانگ ژی نے کہا کہ مسئلہ کشمیر کو اقوام متحدہ کی قراردادوں اور دو طرفہ معاہدے کے مطابق حل کیا جائے جبکہ ملائیشیا کے وزیر اعظم مہاتیر محمد نے کہا ہے کہ اقوام متحدہ کی قراردادوں کے باوجود بھارت نے جموں و کشمیر پر قبضہ کیا ہوا ہے۔

اقوام متحدہ کی جنرل اسمبلی سے خطاب کرتے ہوئے چینی وزیر خارجہ وانگ ژی کا کہنا تھا کہ چین، بھارت کے کشمیر سے متعلق اقدامات کی مخالفت کرتا ہے۔

ان کا کہنا تھا کہ مسئلہ کشمیر اقوام متحدہ کے منشور کے مطابق دو طرفہ معاہدوں کی بنیاد پر حل ہونا چاہیے، یہ اقوام متحدہ کا چھوڑا ہوا ایک اہم تنازعہ ہے۔

وزیراعظم مہاتیر محمد نے کہا کہ، بھارت کے پاس اس ایکشن کی وجوہات ہوں لیکن یہ پھر بھی غلط اقدام ہے۔

انہوں نے کہا کہ اس مسئلے کو پر امن طریقوں سےحل کرنا چاہیے اور بھارت کو چاہیے کہ وہ پاکستان کے ساتھ مل کر اسے حل کرے۔