بھارت  کے زیر قبضہ   کشمیر میں نہتے کشمیریوں پر  بھارتی فوج کے ظلم و ستم کا سلسلہ جاری ہے ۔ اب تک نام نہاد جعلی  سرچ آپریشنز میں  کئی  کشمیری  نوجوانوں کو  شہید کردیا ہے ۔

کشمیر میڈیا سروس کے مطابق مقبوضہ کشمیر میں بھارتی فوجیوں نے ریاستی دہشت گردی کی کارروائی میں ضلع گاندربل میں 3 کشمیری نوجوانوں کو شہید کردیا۔

 ضلع کے علاقے نارانگ میں فوجیوں نے ایک نوجوان کو کورڈن اور سرچ آپریشن کے دوران شہید کیا۔

 وادی میں کرفیو کے باعث 3 ہزار 9 سو کروڑ کا نقصان ہو چکا ہے، وادی میں کھانا میسر ہے اور نہ ہی دوائیں، سرینگر اسپتال انتظامیہ کے مطابق کرفیو کے باعث روزانہ 6 مریض لقمہ اجل بن جاتے ہیں۔

بھارتی  فوج  نے جموں خطے کے رمبان اور ڈوڈا اضلاع میں بھی اسی طرح کی کارروائیوں کا آغاز کیا ہوا ہے۔ آخری اطلاعات آنے تک آپریشن جاری رہا ہے  ۔

واضح  رہے کہ  مقبوضہ کشمیر میں بھارتی جبری تسلط کو آج55  واں روز ہے، کشمیری عوام بدترین قیدیوں کی زندگی گزارنے پر مجبور ہیں۔

کرفیو  کی وجہ سے  وادی مقبوضہ کشمیر کی سڑکیں سنسان، دکانیں بند، کاروباری مراکز پر تالے پڑے ہیں، مسلسل کرفیو کے باعث کاروبار زندگی درہم برہم، گلیوں اور سڑکوں پر بھارتی فوج کا گشت، گھروں کے باہر بھی فوجی تعینات، گھروں میں محصورافراد کو اپنے رشتہ داروں کے جنازے تک پڑھنے کی بھی اجازت نہیں،اسکول بند ہیں، اسپتالوں میں ڈاکٹرز کا پہنچنا دشوار ہوگیا، طبی امداد نہ ملنے سے مریضوں کی زندگیاں بھی داؤ پر لگ گئیں، ہر روز سات سے آٹھ افراد کو دل کا دورہ پڑرہا ہے لیکن علاج معالجے کی کوئی سہولت میسرنہیں۔

کشمیر میڈیا سروس کے مطابق وادی میں کرفیو کے باعث 3 ہزار 9 سو کروڑ کا نقصان ہو چکا ہے، وادی میں کھانا میسر ہے اور نہ ہی دوائیں، سرینگر اسپتال انتظامیہ کے مطابق کرفیو کے باعث روزانہ 6 مریض لقمہ اجل بن جاتے ہیں۔