ایرانی وزیر خارجہ جواد ظریف نے کہا ہے کہ اگر ہم پر جنگ مسلط کی گئی تو دفاع کے لیےآنکھ بھی نہیں جھپکیں گے۔
غیر ملکی خبر رساں ادارے کے مطابق ایرانی وزیر خارجہ جواد ظریف نے کہا کہ ہم کسی ملک کے ساتھ جنگ نہیں چاہتے لیکن اگر سعودی عرب یا امریکا کی طرف سے ہم پر جنگ مسلط کی گئی تو اسے کھلی جنگ تصور کریں گے اوراپنے دفاع کے لیےآنکھ بھی نہیں جھپکیں گے۔
انہوں نے کہا کہ ایران کے خلاف امریکاکی دباؤ کی مہم ناکام ہوچکی ہے، امریکاایران کے خلاف جھوٹے الزامات لگا کر خطے میں زمینی حقائق کو بدلنے کی کوشش کررہاہے۔
جواد ظریف کا کہنا تھا کہ امریکا خود کیے گئےمعاہدوں اوران پر اپنے دستخط کی بھی قدر نہیں کرتا، امریکی صدر اگر مذاکرات کی میز پرآناچاہتے ہیں تو 2015 کے ایران جوہری معاہدے پر واپس آجائیں۔
ایرانی وزیر خارجہ نے مزید کہا کہ ایران ہمیشہ اپنے بین الاقوامی وعدوں کا پابند ہے، ایران کی پالیسی ہمیشہ مستقل رہی ہے اور ہم اس پالیسی کو جاری رکھیں گے۔
Advertisement
انہوں نے کہا کہ ٹرمپ انتظامیہ کا ایران مخالف دباؤ اسرائیل کے ساتھ مربوط ہے، آج ہم امریکی ناکامیوں کاایک کے بعد ایک مشاہدہ کر رہے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
