بھارتی سیاستدان  کے چونکا دینے والے دعوے  نے سب  کو حیران  کردیا ہے  ۔

تفصیلات کے مطابق بھارتی سیاستدان اور گائے کی حفاظت کے لیے بنائے گئے ادارے کے سربراہ شنکر لال نے دعویٰ کیا ہے کہ اگر پاکستان بھارت پر ایٹمی حملہ کرتا ہے تو گائے کا گوبر بھارتیوں کو تابکاری سے بچائے گا۔

شنکر لال نے تابکاری سے بچنے کا طریقہ بتاتے ہوئے کہا کہ ناسا نے مشورہ دیا کہ اگر زمین میں گھڑا کھود کر اس پر پتے رکھ کے ڈیڑھ فٹ اوپر تک گائے کا گوبر رکھ دیا جائے تو انسان محفوظ رہیں گے کیونکہ گوبر تابکاری جذب کر کے انسانوں کو بچائے گا۔

  شنکر لال  کا مزید کہنا تھا کہ    کہ ناسا نے یہ تحقیق کی ہے اور اسے گوگل پر بھی دیکھا جا سکتا ہے۔

 دوسری جا نب   بھارتی  سیاستدان  کے اس  مضحکہ خیز دعوے پر     ڈی جی آئی ایس پی آر میجر جنرل آصف غفور نے  سماجی رابطے ل کی  ویب سائٹ  ٹوئٹر پر ردعمل کا اظہار کرتے  ہوئے  طنز یہ   انداز میں   کہا کہ   بھارت سے گائے کے حوالے سے ایک اور انوکھا دعویٰ سامنے آگیا۔

واضح رہے کہ بھارتی سیاست دان سستی شہرت کے حصول کےلیے ایسے انوکھے دعوے پہلے بھی کرتےرہےہیں ۔

رواں سال   اپریل میں بھارتی سائنسدان  نے   گائے کے پیشاب سے     بنے    خشبو دار  پٹاخوں  کا  مارکیٹ  میں  دستیابی  کا  دعوی  کیا تھا جبکہ   2016  میں بھارت کے ایک ہندو پیشو ا نے     گائے کے پیشاب سے  سونا نکلنے   کا دعوی بھی کیا   تھا  ۔

سنہ 2016 میں ہی بھارتی ریاست آندھرا پردیش کی حکمران جماعت  تیلگو ڈیشام پارٹی کے ایم ایل اے نے بی کام کی تعلیم کے دوران فزکس اور میتھ پڑھنے کا حیرت انگیز دعویٰ بھی   کیا تھا۔