برطانوی وزیراعظم بورس جانسن اور سعودی ولی عہد شہزادہ محمد بن سلمان سے ٹیلی فونک رابطہ ہوا ہے۔

برطانوی وزیراعظم بورس جانسن نے سعودی ولی عہد محمد بن سلمان سے ٹیلی فونک رابطے میں آئل تنصیبات پر حملے کی مذمت کی ہے۔

غیر ملکی خبرساں ادارے کے مطابق برطانوی وزیراعظم بورس جانسن اورسعودی ولی عہد محمد بن سلمان کا ٹیلی فونک رابطہ ہواہے۔

جس میں برطانوی وزیراعظم نے سعودی پلانٹس پرتخریب کاری کے حملے کی شدید مذمت کی۔

 بورس جانسن نے حملوں سے نمٹنے میں سعودی قیادت کی دانشمندی کی تعریف بھی کی۔

 بورس جانسن کا کہنا تھا کہ برطانیہ سعودی عرب کےساتھ کھڑا ہے’اور ‘ملک کی سلامتی کے لئے پرعزم ہے۔’

برطانوی وزیراعظم کی ولی عہد شہزادہ کو بین الاقوامی شراکت داروں کے ساتھ مل کر کام کرنے کی ترغیب دی ۔

دوسری جانب سعودی ولی عہد محمد بن سلمان نےبتایا کہ تخریب کاری کا یہ حملہ ناصرف سعودی عرب بلکہ پوری دنیا کونقصان پہنچانے کےلیے تھا۔

امریکا،چین، برطانیہ اور ترکی سمیت عالمی سطح پر سعودی آئل تنصیبات پرحملے کی  مذمت کی گئی ہے۔

واضح رہےکہ 14ستمبر2019 کو سعودی عرب کی عبقیق اور خریص میں واقع دو بڑی آئل فیلڈز پر ڈرون حملے کیے گئے تھے۔

جس کی ذمہ داری یمن میں ایران کے حمایت یافتہ حوثی باغیوں نے قبول کی تھی ۔

دوسری جانب امریکا نے براہ راست ان حملوں کا ذمہ دارایران کوٹھہرایا ہے تاہم ایران نے اِن الزامات کی تردید کی ہے۔

امریکی صدر ٹرمپ نے بھی دھمکی آمیز لہجے میں کہا تھا کہ سعودی عرب کی آئل تنصیبات پر حملہ کیا گیا، یقین کرنے کی وجہ ہے کہ ہم مجرم کو جانتے ہیں۔

جبکہ ان حملوں کےبعد مشرق وسطیٰ میں سخت کشیدگی پائی جاتی ہے اورساتھ ہی تیل کی قیمتوں میں بھی اضافہ ہوگیا ہے۔