امریکا کے صدر ڈونلڈ ٹرمپ نے کہا ہے کہ دنیا کا مستقبل ایسے لوگ ہیں جو اپنی قوم ہی نہیں بلکہ اپنے پڑوسیوں کا بھی احترام کرتے ہیں۔

تفصیلات کے مطابق امریکی صدر ڈونلڈ ٹرمپ نے اقوام متحدہ کی جنرل اسمبلی اجلاس سے خطاب کرتے ہوئے کہا کہ امریکا کسی بھی ملک سے تنازع نہیں چاہتا، امریکا کے مفاد کو نقصان نہیں پہنچنے دیں گے۔

ڈونلڈ ٹرمپ نے کہا کہ 2001ء میں چین کو عالمی تجارتی تنظیم میں شامل کیا گیا،عالمی تجارتی تنظیم میں یکسر تبدیلی کی ضرورت ہے۔

امریکی صدر نے یہ بھی کہا کہ کئی دہائیوں سے بعض ملکوں نے تجارت کا استحصال کر رکھا ہے، دوسری بڑی معیشت کو بعض ملکوں کو متاثر کرنے کی اجازت نہیں دی جاسکتی۔

کا کہنا تھا کہ چین پر 500 ارب ڈالر کا تجارتی ٹیرف عائد کر رکھا ہے، چین پر تجارتی محصولات کے نتیجے میں بہت سی امریکی کمپنیاں چین سے واپس امریکا لوٹ رہی ہیں۔

ٹرمپ کا یہ بھی کہنا تھا کہ چین کے مستقبل کا انحصار ہانگ کانگ معاملے سے نمٹےکے طریقے پر ہے، جن ملکوں کو جمہوریت چاہیے انہیں اپنی خود مختاری کا دفاع کرنا ہو گا۔

اجلاس سے خطاب میں امریکی صدر نے کہا کہ سعودی تیل کی تنصیبات پر حملے کے نتیجے میں ایران کے مرکزی بینک پر پابندیاں عائد کی ہیں، امید ہے کہ امریکا کو بعض معاملات میں طاقت استعمال نہیں کرنا پڑے گی۔

امریکی صدر ڈونلڈ ٹرمپ نےیہ بھی کہا کہ ہم اپنی فوج کی ازسرِنو تعمیر کر رہے ہیں اور امریکا اپنے تمام اتحادیوں سےتوقع کرتا ہے کہ وہ باہمی معاہدوں میں اپنا پورا حصہ ڈالیں گے۔

اس موقع پرامریکی صدر کا یہ بھی کہنا تھا کہ وزیر اعظم عمران خان سے کل کی ملاقات بہت اچھی رہی، امید ہے وزیر اعظم عمران خان اور نریندر مودی ملیں گے تو بات آگے بڑھے گی۔

امریکی صدر ڈونلڈ ٹرمپ کا مزید کہنا تھا کہ ہم سب مسئلہ کشمیر کا حل چاہتے ہیں، بہت اچھا ہوگا کہ دونوں ملک مل کر اس مسئلے کا حل نکالیں۔