جنوبی کوریا کے سیاستدانوں  نےوزیرقانون  کے خلاف  سر منڈواکر انوکھا احتجاج  کیا ۔

غیر  ملکی خبررساں ادارےکےمطابق جنوبی کوریاکےاپوزیشن لیڈرہوانگ کیونےحکومت کےخلاف احتجاج کرتے ہوئے اپنا سر منڈوالیا۔

 جنوبی کوریا میں کیا جانےوالایہ انوکھا احتجاج ایک نومنتخب وزیرِ انصاف کےخلاف کیاگیا ہےجن کےاہلِ خانہ پربدعنوانی کےالزامات عائدہیں،اِسی سلسلے میں گزشتہ روز اپوزیشن لیڈرہوانگ کیوایہ نے جنوبی کوریاکےصدارتی محل کے باہراحتجاجاًاپنےحامیوں اور صحافیوں کےسامنےاپناپوراسرمنڈوادیا۔

میڈیا رپورٹس کےمطابق صدرمون کی معاونت سے قانون کے سابق پروفیسر چو کْک نے گزشتہ ہفتے9 ستمبرکووزیرانصاف کی حیثیت سے اقتدار سنبھالا تھا لیکن جنوبی کوریا کے عوام اپنے صدر کے اِس فیصلے سے ناخْوش ہیں۔

عوامی و سیاسی رہنماؤں کا کہنا ہے کہ وزیر انصاف کے اہل خانہ پر جرائم اور تعلیم میں دھوکا دہی کے الزامات عائد ہونے کے باوجود صدر نے انہیں عہدہ کیوں دیا۔

دوسری جانب وزیرِانصاف چوکْک نےجنوبی کوریاکی نوجوان نسل سےاپنےاہلِ خانہ کےجْرم کی معذرت کی، معذرت  میں ان کاکہناتھاکہ وہ عدل و انصاف کے نظام میں اصلاحات لانا چاہتے ہیں۔

واضح رہےکہ2018میں کورین خاتون نےایک احتجاج کےدوران اپنا سرمنڈوایاتھا وراُس سے دو سال قبل بھی 900 سے زائد جنوبی کورین باشندوں نے امریکی اینٹی میزائل سسٹم کے خلاف مظاہرے کرتے ہوئے اپنے سر منڈوائے تھے۔

وزیرِ انصاف چو کُک کے خلاف احتجاج کرتے ہوئے گزشتہ ہفتے جنوبی کوریا کے اراکینِ پارلیمنٹ کی دو خواتین نے بھی اپنے سر منڈوائے ہیں۔

سر منڈوانا جنوبی کوریا میں احتجاج کا  روایتی طریقہ ہے، یہ طریقہ گزشتہ دہائیوں سے چلتا آرہاہے جس میں سیاسی رہنمااحتجاج  کے دوران اپنا سر منڈواتے ہیں۔ جبکہ جنوبی کوریاکی گزشتہ حکومت  کا تختہ بھی کرپشن کی وجہ سےپلٹاتھا  ۔