ارجنٹائن ائیرپورٹ میں تعمیراتی کام کے دوران ائیر پورٹ ٹرمینل کا ایک حصہ گر گیا۔

تفصیلات کے مطابق ارجنٹینا میں منگل کے روز بیونس آئرس کے ایزیزا بین الاقوامی ہوائی اڈے پر تعمیراتی کام کے دوران تعمیراتی کام کے دوران ٹرمینل کا ایک حصہ گر گیا جس کی زد میں آکر 1 شخص ہلاک جبکہ 13 زخمی ہوگئے ہیں۔

 ائیرپورٹ حکام کے مطابق بین الاقوامی ہوائی اڈے پرتعمیراتی کام کے دوران ستونوں کے گرنے سے ایک  شخص  جاں بحق  اور کم از کم 13 زخمی ہوگئے ہیں۔

تعمیراتی کمپنی کے مطابق جاں بحق  ہونے والا شخص مزدورتھا۔  حکام کا کہنا ہے کہ واقعے کے بعد تمام آپریٹرز کو باحفاظت باہرنکال لیا گیا۔

عینی شاہدین کا کہنا ہے کہ ارجنٹائن کے ہوائی مرکز میں تعمیر کئے جانے والے نئے ٹرمینل کے ستونوں کی ناقص بناوٹ کی وجہ سے غیرمتوقعہ سانحہ پیش آیا ہے۔

ائیر پورٹ  حکام  کا کہنا ہے کہ  حادثے میں زخمیوں کو طبی امداد کے لئے اسپتال  منتقل کردیا گیا ہے ۔

تعمیراتی منصوبے کے انچارج کا کہنا ہے کہ حادثے کی وجوہات اب تک واضح نہیں ہوسکیں ہیں ۔

2017 میں جب سے حکام نے کم لاگت والی  ہوائی کمپنیوں کو ملک میں پرواز کرنے کی اجازت دی تھی اس وقت سے ارجنٹائن میں ہوائی سفرمیں اضافہ ہوا ہے۔ گزشتہ سال، ایزیزا انٹرنیشنل ایئرپورٹ کے ذریعے تقریباً11 ملین افراد نے پرواز کی۔

اس فیصلے کا مقصد ہوائی اڈے کی گنجائش سالانہ 30 ملین مسافروں تک بڑھانا ہے۔