برطانیہ میں چورسونے کا ٹوائلٹ لے اُڑے

محمد طیب

14th Sep, 2019. 03:42 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

برطانیہ میں چورسونے کا ٹوائلٹ لے اُڑے

برطانیہ کے میوزیم سے چور اٹھارہ قیراط خالص سونے سے بنا ٹوائلٹ لے اڑے، اطالوی آرٹسٹ کے ہاتھوں سے بنے سونے کے اس انوکھےکموڈ کی قیمت پچاس لاکھ ڈالر ہے۔

غیرملکی خبررساں ادارے کے مطابق برطانیہ کے بلین ہیم محل میں آرٹ کی نمائش کے دوران رکھا گیا 18 قیراط سونے کا ٹوائلٹ چوروں کا گینگ لے اڑا۔

پولیس کا کہنا ہے کہ سونے کا ٹوائلٹ چرانے کے شبے میں آکسفورڈ شائر سے 66 سالہ ایک شخص کو گرفتار کیا گیا ہے۔

پولیس حکام کے مطابق ملزمان رات کو تقریباً 4:50 منٹ کے قریب محل میں داخل ہوئے اور ٹوائلٹ چرا کر فرار ہوگئے۔

انسپکٹر جیس ملنے کا کہنا ہے کہ آرٹ کا ٹکڑا جو چوری ہوچکا ہے وہ سونے سے بنا ہوا ایک قیمتی ٹوائلٹ تھا جو محل میں نمائش کے لیےلایا گیا تھا۔

انسپکٹر جیس ملنے کے مطابق چوری کی واردات میں ملوث گروہ نے واردات کے لیے دو گاڑیوں کا استعمال کیا۔

انہوں نے کہا کہ چوری ہونے والا سونے کا ٹوائلٹ تاحال برآمد نہیں ہوا ہے لیکن ملزمان کی گرفتاری کے لیے تحقیقات کا آغاز کردیا گیا ہے۔

واضح رہے کہ بین ہیم پیلس رواں ہفتے جمعرات کو نمائش منعقد کی گئی تھی جس میں سونے سے بنے ٹوائلٹ کو بھی نمائش کے لئے رکھا گیا تھا جبکہ پیلس کو چوری کی واردات کے بعد ہفتے کی صبح بند کردیا گیا ہے۔