بھارت مخالف نعروں سے پیرس کی فضا گونج اٹھی

عروبہ خان

26th Oct, 2019. 11:44 pm
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

بھارت مخالف نعروں سے پیرس کی فضا گونج اٹھی

پیرس کی فضائیں مودی دہشت گرد ، انڈیا دہشت گرد ، کشمیریوں کا قتل عام بند کرو اور ہم کیا مانگیں آزادی ، لے کے رہیں گے آزادی کے نعروں سے گونج اٹھیں۔

پیرس میں ایفل ٹاور کے مقام پر بھارت کے خلاف کشمیری کمیونٹی کی جانب سے مظاہرہ کیا گیا۔

مظاہرہ جموں و کشمیر فورم فرانس نے آرگنائز کیا۔

پاکستانی و کشمیری راہنماؤں نے خطاب کرتے ہوئے کہا کہ ان مظاہروں کا مقصد بھارتی کے غیر آئینی اور مکروہ اقدامات کو دنیا کے سامنے لاکر بھارت کا دہشت گردانہ چہرہ دکھانا ہے اور اقوام عالم کو بتانا ہے کہ گزشتہ ستر سال سے مظلوم کشمیری بھارت کی طرف سے ظلم و بربریت کا شکار ہیں اور مودی کے دور حکومت میں کشمیریوں کی نسل کشی کی جارہی ہے۔

مظلوم کشمیریوں سے اظہار یکجہتی کرتے ہوئے مقررین نے کہا کہ ان کی جدوجہد جمہوری ہے اور اپنی مرضی سے مستقبل کا فیصلہ ان کا حق ہے، کشمیر کا مسئلہ حل طلب ہے ، کشمیر میں استصواب رائے کروایا جائے اور دنیا کو اس پر توجہ دینی چاہیئے۔

رہنماؤں کا مزید کہنا تھا کہ آج ترقی یافتہ ممالک جانوروں کے حقوق کی بات کرتے ہیں لیکن کشمیر میں انسانی حقوق کی خلاف ورزیوں پر خاموشی سمجھ سے بالاتر ہے۔