امن معاہدے پر دستخط کیلئے مذاکرات کی میز پر آنا ہوگا، ترجمان طالبان

عروبہ خان

15th Oct, 2019. 06:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امن معاہدے پر دستخط کیلئے مذاکرات کی میز پر آنا ہوگا، ترجمان طالبان

ترجمان افغان طالبان سہیل شاہین نے کہا کہ امریکا افغان مسئلے کا حل چاہتا ہے تو اسے امن معاہدے پر دستخط کرنے کیلئے مذاکرات کی میز پر آنا ہوگا۔

افغان طالبان کے ترجمان سہیل شاہین کا بھارتی میڈیا کو انٹریو دیتے ہوئے کہا کہ امریکی ، افغانستان سے دستبردار ہوجائیں تو ہم انہیں محفوظ راستہ فراہم کریں گے۔

انہوں نے کہا کہ افغانستان میں امریکا کا 18 سال کےدوران فوجی کارروائیوں کا کوئی نتیجہ نہیں نکلا ہے، افغان جنگ کا فوجی حل نہیں ہے۔

سہیل شاہین نے مزید کہا کہ جنگ بندی امن معاہدے پر دستخط کرنے کے بعد شروع ہونی تھی ، جو نہیں ہوسکی ، اگر آج معاہدے پر دستخط ہوجاتے ہیں تو جنگ بندی شروع ہوجائے گی۔

ترجمان افغان طالبان کا کہنا تھا کہ ہم نے امن معاہدے پر بات چیت مکمل کرلی ہے ،صرف دستخط ہونا باقی ہیں ۔