برطانوی شاہی جوڑے کے دورہ سے پاکستان کا مثبت تاثر اجاگر ہوگا، تھامس ڈریو

انور عباس

13th Oct, 2019. 06:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

برطانوی شاہی جوڑے کے دورہ سے پاکستان کا مثبت تاثر اجاگر ہوگا، تھامس ڈریو

Video message of BHC on visit of royal couple

برطانوی ہائی کمشینر تھامس ڈریونے کہا ہے کہ برطانوی شاہی جوڑے کے دورہ سے پاکستان کا مثبت تاثر اجاگر ہوگا۔

تفصیلات کے مطابق برطانوی ہائی کمشینر تھامس ڈریو نے برطانوی شاہی جوڑے کی آمد پر اپنے ویڈیو پیغام میں کہا کہ برطانوی شاہی جوڑے کی آمد دونوں ملکوں کے درمیان تاریخی تعلقات کی کڑی ہے

تھامس ڈریو کا کہنا تھا کہ برطانوی شاہی جوڑا پاکستان میں قیام کے دوران مختلف طبقات سے وابستہ افراد سے ملیں گے۔

برطانوی ہائی کمشینر تھامس ڈریو کا مزید کہنا تھا کہ شہزادہ ویلیم اوران کی اہلیہ پاکستانی نوجوانوں سے بھی ملاقات کریں گے جبکہ لاہور اور شمالی علاقہ جات کا دورہ بھی کریں گے۔

واضح رہے کہ برطانوی شاہی جوڑے کے دورہ پاکستان کا شیڈول منظرپرآ گیا ہے جس کے مطا بق شہزادہ ولیم اور انکی اہلیہ کیٹ میڈلٹن پیر کی رات پاکستان پہنچ رہے ہیں۔

شاہی جوڑے کے ہمراہ محافظین، طبی ماہرین اور چالیس سے زائد صحافی بھی پاکستان پہنچیں گے، 15 اکتوبر کو شہزادہ ولیم اور کیٹ مڈلٹن کی صدرِپاکستان اور وزیراعظم عمران خان سے ملاقاتیں بھی ہو گی۔

یاد رہے کہ برطانوی شاہی جوڑے کا یہ پہلا باضابطہ سرکاری دورہ پاکستان ہوگا جو پاک برطانیہ تعلقات کو مزید فروغ دے گا، برطانیہ کا شاہی جوڑا لاہور سمیت ملک کے مختلف علاقوں کا دورہ کرے گا۔