شام کے مغربی صوبہ حلب کے شمال میں مختلف مقامات پر بمباری کے نتیجے میں 8  افراد ہلاک  اور متعدد زخمی  ہو گئے۔

تفصیلات کے مطابق  برطانیہ میں قائم شامی رصدگاہ برائے انسانی حقوق نے اطلاع دی ہے کہ نامعلوم لڑاکا طیاروں نے منگل کے روز ترکی کے اتحادی شامی باغیوں کے کنٹرول والے علاقے کو فضائی حملے میں نشانہ بنایا ہے اور وہاں سے بمباری کے بعد دھماکوں کی متعدد آوازیں سنی گئی ہیں۔

مقامی ذرائع نے گاؤں طرحین کے نزدیک واقع علاقے الحراقت ، البرج گاؤں اور جرابلس شہر کے جنوبی حصے پر فضائی حملوں کی تصدیق کی ہے اور انھوں نے بتایا ہے کہ وہاں سےچھے دھماکوں کی آوازیں سنی گئی ہیں۔

مقامی حکام کے مطابق  بمباری سے متعدد افراد زخمی ہوئے ہیں اور ایندھن کی حمل ونقل کے لیے استعمال ہونے والے کئی ایک ٹینکر جل گئے  ہیں ۔

مقامی افراد نے مزید واضح  کیا کہ  مزید بتایا ہے کہ ترکی کے ایک لڑاکا طیارے کو میر شہر کے اوپر پرواز کرتے ہوئے دیکھا گیا ہے اور یہ بھی خبر سامنے آئی ہے کہ اس طیارے سے چھاتا برداروں کو اتارا گیا ہے۔

قبل ازیں اسی انداز میں امریکا کی قیادت میں بین الاقوامی اتحاد کے طیارے نے داعش کے ایک کارکن کی گرفتاری کے لیے چھاتا برداروں کو اتارا تھا۔

واضح رہے کہ اس سے قبل شام ہی کہ علاقے  تل ابیض میں کار بم دھماکے میں 10 افراد ہلاک جبکہ 20 افراد زخمی ہوگئے تھے۔ جبکہ شام کے بارڈر پر گزشتہ ماہ ترک فورسز نے کنٹرول حاصل کیا تھا۔