افغان دارالحکومت کابل میں پاکستانی سفارتکاروں کو حراساں کرنے کا سلسلہ اب تک نہ رک سکا۔

ذرائع کے مطابق افغان وزارت خارجہ اپنی خفیہ ایجنسی کے سامنے بے بس نظر آتی ہے۔آج بھی کابل میں  پاکستانی سفارتکاروں اور سفارتی اہلکاروں کو افغان خفیہ ایجنسی کے اہلکاروں نے حراساں کیا۔

افغان وزارت خارجہ  کے گزشتہ روز واقع کی تحقیقات ،روک تھام کے بیان اور یقین دہانی کے باوجود بھی افغان خفیہ ایجنسی کی جانب سے حراسانی کا سلسلہ نہ تھم سکا۔

سفارتی ذرائع کا کہنا ہے کہ ایک طرف سنجیدگی سے تحقیقات کے بیانات اور دوسری طرف حراساں کرنے کا سلسلہ جاری رہنا افغان حکومت کی پاکستان مخالف اور دوغلی پالیسی کی عکاس ہے۔

حراسانی کے واقعات کے باعث کابل میں پاکستانی سفارتخانے کا قونصلر سیکشن مسلسل دوسرے روز بھی بند ہے۔قونصلر سیکشن بند ہونے سے کابل میں پاکستانی سفارتخانہ ویزوں کا اجرا نہیں کر رہا۔

خیال رہے کہ پاکستانی سفارتخانہ روزانہ کی بنیاد پر تین ہزار افغانیوں کو بغیر کسی فیس کے ویزے جاری کرتا ہے۔

واضح رہے کہ اس سےقبل اتوارکواسلام آباد میں پاکستانی دفترخارجہ نےکابل میں پاکستانی سفارتی عملے کو ہراساں کیے جانےپراسلام آبادمیں افغان ناظم الامورکوطلب کیاتھااورکابل میں پاکستانی سفارتخانےاورسب مشنز کے سفارتی عملےکودرپیش مسائل اورسیکیورٹی خدشات کےحوالےسےآگاہ کیا تھا۔

دفتر خارجہ کےترجمان ڈاکٹرمحمد فیصل نےکہاتھاکہ کابل میں پاکستانی سفارت خانےکے افسران اوراہلکاروں کوگذشتہ دو روز سے ہراساں کیاجارہاہے۔ انہیں سڑکوں پرروکاجاتاہے،سفارت خانےکی طرف جاتےہوئےگاڑیوں کوموٹرسائیکلوں سےہٹ کیاگیاہے۔