دنیا بھر سے زائرین ربیع الاول میں عبادت کے لیے مسجد الحرام پہنچ گئے

عروبہ خان

11th Nov, 2019. 08:59 pm
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

دنیا بھر سے زائرین ربیع الاول میں عبادت کے لیے مسجد الحرام پہنچ گئے

دنیا بھر سے لاکھوں زائرین ربیع الاول میں عبادت ،عمرہ اور زیارت کے لیے مسجد الحرام پہنچ رہے ہیں، انہیں نماز، تلاوت اور عبادت کے لیے معیاری سہولتیں فراہم کی گئیں۔

مسجد الحرام کی انتظامیہ نے صحن حرم میں پرانے قالین ہٹا کر نئے1200 قالین بچھائے ہیں۔

انتظامیہ کے ماتحت صفائی اور فرش انتظامیہ کے ڈائریکٹر جابر ودعانی نے بتایا کہ معمول کے مطابق مسجد الحرام کی تمام منزلوں ، صحنوں اور چھتوں کے قالین تبدیل کئے جارہے ہیں جبکہ انتظامیہ اس کا باقاعدہ نظام مقرر کئے ہوئے ہیں۔

جابر ودعانی نے بتایا ہے کہ مسجد الحرام اور مسجد نبوی کی انتظآمیہ کے سربراہ اعلیٰ شیخ ڈاکٹر عبدالرحمن السدیس کی ہدایت پر صحن حرم میں پرانے قالین ہٹا کر 1200نئے قالین بچھا دیئے گئے ہیں۔

انتظامیہ ایک جانب تو قالینوں کی مسلسل صفائی کا اہتمام کررہی ہے تو دوسری جانب انہیں معطر کرنے کے انتظامات بھی کئے جارہے ہیں اور اگر کوئی قالین کسی وجہ سے خراب ہوجاتا ہے تو فوری طور پر اسے ٹھیک کیا جاتا ہے جبکہ صفائی کا باقاعدہ اہتمام کیا جاتا ہے اس کے لیے خصوصی شعبہ قائم کیا گیا ہے۔