بھارتی طالبہ نے شہریت قانون کے خلاف گولڈ میڈل لینے سے انکار کر دیا ہے۔

تفصیلات کے مطابق پونڈی چری یونیورسٹی کی طالبہ ربیعہ نے بھارتی قانون کے خلاف احتجاجاً گولڈ میڈل لینے سے انکار کردیا ہے۔

طالبہ ربیعہ عبدالرحمان نے پونڈی چری یونیورسٹی میں ماس کمیونیکیشن کی ڈگری حاصل کی اور عمدہ کارکردگی کی بدولت پہلی پوزیشن حاصل کر کے گولڈ میڈل کی حقدار قرار پائیں۔

حال ہی میں پاکستان کی ہندو برادری نے  بھارتی پارلیمنٹ میں پیش کردہ متنازعہ شہریت کابل مسترد کردیا تھا اور کہا تھا کہ بھارتی وزیر اعظم مودی جانب سے پیش کی گئی شہریت کی پیش کش انسانیت کے خلاف ہے۔

پاکستانی ہندؤں نے نریندر مودی کی جانب سےبھارتی شہریت کی آفر مسترد کردی

ذرائع کے مطابق ربیعہ نے بتایا کہ جیسے ہی وہ آڈیٹوریم میں داخل ہوئیں تو بھارت کے صدر کے آنے کے بعد ہال میں موجود سیکیورٹی نے انہیں باہر نکل جانے کو کہا۔

جب طالبہ کو اندر جانے کی اجازت دی گئی تو اس وقت تک بھارت کے صدر رام ناتھ کووند وہاں سے جا چکے تھے، انہوں نے اسٹیج پر جا کر سرٹیفکیٹ تو لے لیا لیکن احتجاجاً گولڈ میڈل لینے سے انکار کردیا۔

انہوں نے کہا کہ میں یہ گولڈ میڈل ٹھکراتی ہوں، میں ایک پڑھی لکھی لڑکی ہوں اور مجھے خود کو یہ بتانے کے لیے گولڈ میڈل نہیں چاہیے۔

واضح رہے کہ بھارتی صدر رام ناتھ کووند نے پونڈی چری یونیورسٹی میں کانووکیشن سے خطاب کے بارے میں ٹوئٹ کی لیکن اس واقعے کا کوئی تذکرہ نہیں کیا۔

President Kovind addresses the 27th Convocation of Pondicherry University; says whether it is a university or any other entity, finally we all are part of society, and we all have our responsibility towards society.https://t.co/jQemRATmxx pic.twitter.com/PK2Q3Gmr6V

Advertisement

— President of India (@rashtrapatibhvn) December 23, 2019

اس سے قبل پاکستان سے تعلق رکھنے والے ہندؤوں نے بھارتی پارلیمنٹ میں پیش کردہ بل کو مسترد کرتے ہویئ یہ بھی کہا ہے کہ وہ ہندوستان میں رہنے کےخواہش مند نہیں ہیں۔

اس حوالے سے دبئی میں مقیم پاکستانی ہندو دلیپ کمار نے  ایک غیر ملکی خبررساں ادارے سے گفتگو کرتے ہوئے کہا کہ بھارت کا یہ نیا قانون بہت غلط ہے کیونکہ یہ طبقاتی نظام، ذات پات اورمخصوص فرقوں کی حمایت کرتا ہے۔