دنیا کے طاقتور ترین پاسپورٹس میں متحدہ عرب امارات(یو اے ای) کا پاسپورٹ بازی لے گیا۔

تفصیلات کے مطابق عالمی سطح پر کام کرنے والے پاسپورٹ انڈیکس نے متحدہ عرب امارات کے پاسپورٹ کو دنیا کا سب سے بہترین پاسپورٹ قرار دے دیا ہے۔

ایک ’عرب اخبار‘کی رپورٹ کے مطابق پاسپورٹ انڈیکس نے اپنی رپورٹ میں  بتایا ہے کہ  متحدہ عرب امارات کے پاسپورٹ کی ریٹنگ میں حیرت انگیز طور پر 161 فیصد اضافہ ہوا ہے۔

یو اے ای کا پاسپورٹ 179 نقل و حرکت کے اسکور کے ساتھ فہرست میں ٹاپ پر موجود ہے، اس سے متحدہ عرب امارات پاسپورٹ کی طاقت کی درجہ بندی میں سب سے پہلی عرب قوم بن گیا ہے۔

یو اے ای، کا گولڈ ویزا حاصل کرنے کا سنہری موقع

یو اے ای کےپاسپورٹ ہولڈر زانتہائی متحرک ہیں، گذشتہ تین سالوں میں پاسپورٹ نے کل 111 ویزا چھوٹ حاصل کی ہیں، وہ اب یا تو ویزا فری سفر کرسکتے ہیں یا پھر  تقریباً دنیا  کے ہر ملک میں ویزا آن آرائیول کی سہولت حاصل کرسکتے ہیں۔

پاسپورٹ انڈیکس کے مطابق دوسرے نمبر پر قطر کا پاسپورٹ ہے، تیسرے پر روانڈا، چوتھے پر یوکرین ،پانچویں  پر مکاؤ، انڈونیشیا چھٹے، سائپرس ساتویں، برونائی آٹھویں، سینٹ کٹس نویں اور سعودی عرب دسویں نمبر پر موجود ہے۔

واضح رہے کہ متحدہ عرب امارات  کا پاسپورٹ دسمبر 2018 میں سنگاپور اور جرمنی کو پیچھے چھوڑ کر دنیا کا سب سے طاقتور  ترین پاسپورٹ بنا تھا۔

متحدہ عرب امارات کا پاسپورٹ رکھنے والے افراد گزشتہ سال بغیر  ویزا حاصل کیے 167 ممالک میں داخلہ حاصل کرسکتے  تھےجن میں  سے 113 ممالک میں ویزا فری اندراج اور 54 ممالک میں آمد پر ویزا  کی سہولت شامل تھی۔