مصر کی خاتون کو شوہر نے نیکی کے بدلے جیل بھجوادیا ہے۔

تفصیلات کے مطابق مصری خاتون رحاب فتحی کا شوہر گردے کا مریض تھا اور اسی وجہ سے ان کی اہلیہ نے اپنا گردہ اپنے شوہر کو دیا۔

خاتون نے اپنے شوہر کی جان بچانے کے لیے شوہر کو اپنا گردہ عطیہ کیا تھا لیکن اس نیکی کا صلہ رحاب فتحی کو نہیں ملا بلکہ شوہر نے دوسری شادی کر لی اور اسے جیل بھجوا دیا۔

مصری خاتون کے ساتھ یہ غلط رویہ اخیار کرنے کی وجہ سے سوشل میڈیا پر سب با وفا خاتون سے ہمدردی کا اظاہر کر رہے ہیں۔

یاد رہے کہ شوہر کی زندگی خطرے میں تھی، تو بیوی نے اسے اپنا گردہ عطیہ کر کے شوہر کی زندگی بچائی تھی لیکن کچھ عرصے بعد شوہر نے دوسری شادی کر لی۔

پہلی بیوی کے خلاف پولیس سٹیشن میں رپورٹ درج کروا دی کہ اس نے گھر کا سامان اپنے رشتے داروں کے ہاں منتقل کر دیا ہے۔

عدالت میں یہ مقدمہ کئی ماہ تک چلا لیکن شوہر کی جھوٹی کہانیوں کو بنیاد بنا کر خاتون کو قصور وار ٹھرایا اور چھ ماہ قید کی سزا سنا دی۔

مصری خاتون کے لیے سوشل میڈیا پر سب آواز بلند کر رہے اور لوگوں کا کہنا ہے کہ مصری خاتون کا المیہ انتہائی رلا دینے والا ہے شوہر کو بچانے کے لیے گردے کی قربانی دی لیکن شوہر نے پہلے گھر سے نکالا پھر اس پر چوری کا الزام لگایا اور سوتن بھی لے آیا۔

واضح رہے رحاب فتحی کے مطابق گردہ دینے کے بعد شوہر کا رویہ غیر مناسب ہو گیا تھا ، لڑائی جھگڑوں کے ساتھ ساتھ مار پیٹ بھی تھی قریبی دوستوں نے صلح صفائی کی کوشش کی لیکن انہیں ناکامی ہوئی۔