میانمار کی  وزیراعظم آنگ سان سوچی عالمی عدالت انصاف میں پیش ہوئی ہیں جہاں وہ نسل کشی کے الزامات کے خلاف اپنے ملک کا دفاع کریں گی۔

غیر ملکی خبر ایجنسی  کی رپورٹ کے مطابق نوبیل انعام یافتہ آنگ سانگ سوچی، نیدرلینڈز کے شہر دی ہیگ میں عالمی عدالت انصاف میں روہنگیا مسلمانوں کی منظم نسل کشی کے حوالے سے دائر مقدمے میں اپنے ملک کا دفاع کرنے کے لیے پیش ہوئیں۔

  پیشی کےدوران سوچی ان الزامات کو سنیں گی جن میں یہ کہاگیاہےکہ میانمار نےروہنگیامسلمانوں پرظلم و ستم کیےہیں۔

میڈیا رپورٹس کے مطابق عالمی عدالت انصاف میں روہنگیانسل کشی کیس کی سماعت تین دن تک جاری رہےگی۔

یہ کیس، 2017 میں روہنگیا اقلیت کے مبینہ اجتماعی قتل کے معاملے پر میانمار کو انصاف کے کٹہرے میں لانے کی پہلی بین الاقوامی قانونی کوشش ہے ، جب گامبیا نے 11 نومبر کو آئی سی جے میں درخواست دائر کی تھی ، جس میں میانمار نے 1948 کے نسل کشی کنونشن کی خلاف ورزی کا الزام عائد کیا تھا۔

یاد رہے کہ روہنگیا مسلمانوں کی نسل کشی کاکیس افریقی ملک گیمیبیا نےدائرکیا تھا۔

میانمار کی فوج کے ذریعہ 2017 میں ایک خونی کریک ڈاؤن کے بعد 700،000 سے زیادہ روہنگیا ہمسایہ ملک بنگلہ دیش فرار ہوگئے تھے ، جس کا اقوام متحدہ کے تفتیش کاروں نے یہ نتیجہ اخذ کیا ہے کہ “نسل کشی کے ارادے” کے ذریعہ انجام دیا گیا تھا۔ 

واضح رہے کہ میانمار کی فوج نے روہنگیا مسلمانوں کے خلاف کیے جانے والے مظالم کی تحقیقات کے بعد فوجیوں کے خلاف غیرمعمولی کورٹ مارشل کا آغاز کردیا تھا۔

میانمار کی ریاست رخائن میں سپاہیوں، پولیس اہلکاروں اور بدھ مت کے دیہی علاقوں میں موجود افراد پر روہنگیا مسلمانوں کو دہشت زدہ کرنے، قتل کرنے اور گینگ ریپ کے الزامات ہیں۔۔

عالمی عدالت برائےجرائم (آئی سی سی) نےمیانمارمیں روہنگیامسلمانوں کے خلاف مظالم کی مکمل تحقیقات کی منظوری دیدی تھی۔

 عالمی عدالت برائےجرائم نے پراسیکیوشن کی جانب سے میانمار کے خلاف جنگی جرائم میں ملوث ہونے کی تحقیقات کی اوردرخواست منظور کرتے ہوئے میانمار کی جانب سے روہنگیا مسلمانوں کے خلاف نسل کشی کی تحقیقات کا حکم دے دیا تھا۔

عالمی عدالت کا فیصلہ ارجنٹائن کی جانب سےمیانمارکی رہنماآنگ سان سوکی کے خلاف روہنگیا مسلمانوں پر مظالم کی کارروائی کےآغازکےایک روز بعد سامنے آیا تھا۔

واضح  رہے کہ 2017 میں میانمار کی ریاست رخائن میں فوج اور مقامی انتہا پسندوں کی جانب سے مسلمانوں پر بدترین ظلم اور قتل و غارت کی گئی تھی جس کے بعد روہنگیا اقلیت پڑوسی ملک بنگلہ دیش کی جانب ہجرت کرنے پر مجبور ہوئے تھے۔