انڈین سپریم کورٹ نے آسام کے 6 حراستی کیمپوں میں انسانی سہولیات کی درخواست مسترد کر دی ہے۔

تفصیلات کے مطابق  انڈین سپریم کورٹ نے آسام کے چھ حراستی مراکز میں انسانی سہولیات حاصل کرنے کی درخواست میں مداخلت کرنے سے انکار کردیا۔

 قومی شہریوں کے قومی رجسٹر (این آر سی) کے مطابق ہندوستانی شہری کی حیثیت سے اہل نہیں ہیں۔

خبر ایجنسی ادارے کی ایک رپورٹ کے مطابق جسٹس اشوک بھوشن کی سربراہی میں اعلیٰ عدالت کے ایک بینچ نے نپون ملہوترا کی جانب سے دائر درخواست میں مداخلت سے منع کیا گیا ۔

 واضح رہے کہ گزشتہ کچھ روز سے  آسام سمیت بھارت کی مختلف ریاستوں میں  مسلمان مخالف  ہندو نواز متنازع بل سے متعلق نئے قانون کےخلاف ریلیوں اور مظاہروں کا سلسلہ جاری ہے۔

بھارتی پولیس کی  جانب سے علی گڑھ یونیورسٹی میں طلباءپر تشدد کے بعد نئی دہلی کی جامعہ ملیہ یونیورسٹی کے طلبا ءپربھی تشدد کیا گیا تھا۔

بھارت کامتنازع بل مخالفین پر طاقت کااستعمال

مقامی میڈیا کےمطابق  دہلی میں پولیس گرلزہاسٹل اورجامعہ ملیہ کی مسجد میں بھی گھس گئی،اور پناہ گزین طالبات پرتشدد اوربد سلوکی کی۔اس کے علاوہ بھارتی پولیس کی  جانب سےجامعہ ملیہ کےطلبہ و طالبات کے خلاف رات بھرکریک ڈاؤن کیا گیا تھا ۔

بھارتی پولیس نے طلباء پر بدترین تشدد کرتے ہوئے متعدد طلبہ کو زخمی کیا اور کئی طلباءکو گرفتار کر کے لے گئی، جس کے بعد دہلی سمیت مختلف شہروں میں طلبہ نے کلاسز کے بائیکاٹ کا اعلان کر دیا تھا ۔

پرتشدد مظاہروں میں بڑے پیمانے پر ہلاکتوں کا خدشہ ہے، بھارتی پولیس اور نیم فوجی دستے مظاہرین پر بدترین تشدد کر رہے ہیں۔

بھارت میں مسلم مخالف بل کے خلاف جاری مظاہروں کے دوران مودی سرکار کی جانب سے بد ترین تشدد کے تناظر میں بھارتی حزب اختلاف جماعت کانگریس  کی جنرل سیکریٹری پریانکا گاندھی نے مودی حکوت  کو بزدل قرار دے دیا تھا ۔