روس کا ملٹری ہیلی کاپٹر ایم آئی- 28 تربیتی پرواز کے دوران گر کر تباہ ہو گیا۔ حادثے کے نتیجے میں دونوں پائلٹس ہلاک ہوگئے۔
وزارت دفاع کے ترجمان کے مطابق جنوبی روس میں ایک تربیتی پرواز کے دوران ایم آئی 28 فوجی ہیلی کاپٹر گر کر تباہ ہونے سے 2 پائلٹ ہلاک ہوگئے۔
ترجمان نے واضح کیا کہ ایم آئی 28 منگل کی رات کو کرسنوڈار علاقے میں کورینوفسک ایر فیلڈ کے قریب گر کر تباہ ہوا۔ پائلٹس نے موسم کی خراب صورتحال کے باوجود اپنی طے شدہ تربیتی پرواز کا آغاز کیا تھا۔
ترجمان نے مزید کہا کہ تباہ ہونے والے ہیلی کاپٹر میں کسی قسم کے گولہ بارود، اور راکٹ نصب نہیں کیے گئے تھے۔
Advertisement
حادثے کی صورتحال اور اسباب کی تحقیقات کے لئے روسی خلائی فورس کا ایک کمیشن حادثے کے مقام پر بھیجا گیا ہے۔
ایم آئی 28 ایک سوویت اور روسی لڑاکا ہیلی کاپٹر ہے جو دشمن کے ٹینکوں اور بکتر بند گاڑیوں کے ساتھ ساتھ ہوائی اہداف کو تلاش اور تباہ کرنے کے لئے تیار کیا گیا ہے۔
Advertisement
یاد رہے کہ ہیلی کاپٹر کو موسم کی تمام صورتحال میں دن رات کام کرنے کے لئے ڈیزائن کیا گیا ہے۔
واضح رہے کہ اس سے قبل رواں برس دسمبر میں امریکا کی ریاست منیسوٹا میں بلیک ہاک ہیلی کاپٹر UH-60 کےحادثے میں 3 امریکی فوجی ہلاک ہوگئے تھے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
1 کومنٹس اس آرٹیکل پر
کومنٹس کریں
Advertisement
