انڈیا میں ایک شادی کی تقریب کے دوران ڈانسر لڑکی کو گولی ماردی گئی۔

تفصیلات کے مطابق  شادی کی تقیرب میں ڈانسر لڑکی سٹیج پر ڈانس کر رہی تھی، اُسے اُس وقت گولی ماری گئی جب وہ ڈانس کرتے کرتے رک گئی تھی۔

 یہ واقعہ یکم دسمبر کو ریاست اتر پردیش کے ایک گاؤں میں پیش آیا تھا جس کی ویڈیو بھی بنی تھی تھی اوراب وہ ویڈیو سوشل میڈیا پر وائرل ہورہی ہے۔

 تاہم اس واقعے کی خبر میڈیا میں اس وقت آئی جب اس کی ویڈیو شیئر کی جانے لگی۔

اس واقعے کی ویڈیو میں خاتون کو سٹیج پر ڈانس کرتے دیکھا جا سکتا ہے۔ خاتون رکتی ہیں تو گولی کی آواز سنائی دیتی ہے، پھر خاتون اپنے چہرے پر ہاتھ رکھتی ہیں اور زمین پر گر جاتی ہیں۔

انڈیا میں ہونے والے واقع میں کس نے گولی ماری اس کی شناخت انڈیا پولیس نے کرلی ہے۔

یاد رہے کہ سنہ 2016 میں ریاست پنجاب میں ایک شادی میں ایک حاملہ خاتون کو اس وقت گولی مار دی گئی جب وہ ڈانس کر رہی تھیں اور وہ پیٹ میں گولی لگنے سے ہلاک ہوگئی تھیں۔

اس کے علاوہ 2016 اور 2018 میں بھی ایسے بہت سے واقعات ہوئے تھے۔

واضح رہے کہ انڈیا میں شادیوں کے موقع پر تشدد کے واقعات پہلے بھی رپورٹ کیے گئے ہیں جہاں مہمانوں کی جانب سے اسلحے سے ہوائی فائرنگ کرنے کا رحجان بھی ہے اور ایسے میں کسی سے مخالفت ہو تو تشدد کے واقعات بھی پیش آتے ہیں۔