نہ کوئی تنازعہ اٹھا نہ بھارتی کورٹ نے معاملہ الجھایا، بھارت میں مسلح افواج کی کمان میں انقلابی تبدیلی آ گئی، بھارتی آرمی چیف جنرل بپن راوت کی چیف آف ڈیفنس سٹاف بننے کی راہ ہموار ہو گئی

تفصیلات کے مطابق بھارتی وزارت دفاع نے بذریعہ ایگزیکٹو آرڈر آرمی ایکٹ 1950 میں ترمیم کا نوٹیفکیشن جاری کر دیا۔

 موجودہ حالات کے تناظر میں آرمی چیف بپن روت کو چیف آف ڈیفنس بنانے کیلئے سروس رول تبدیل کردئیے گئے، بھارتی حکومت نے آرمی چیف جنرل بپن راوت کی مدت ملازمت میں توسیع کیلئے آرمی ایکٹ میں ترمیم کر دی۔

چیف آف ڈیفنس تقرری کیلئے بھارتی فوج کے کسی بھی جنرل رینک کے آفیسر کی مدت ملازمت میں توسیع دی جا سکے گی جبکہ ترمیم کے بعد مدت ملازمت کیلئے زیادہ سے زیادہ عمر کی حد بھی 65 برس کر دی گئی ہے اور بھارت میں زبان زد عام، ترمیم جنرل بپن راوت کو چیف آف ڈیفنس سٹاف عہدہ نوازنے کیلئے کی گئی ہے۔

بی جے پی مسلمانوں کے اندیشوں کو دور کرنے کوشش کرے گی، بھارتی آرمی چیف

دوسری جانب پاکستان میں صورتحال برعکس، آرمی چیف کی مدت ملازمت میں توسیع کا معاملہ طول پکڑ چکا اور پاکستان میں آرمی چیف کی مدت ملازمت میں توسیع کا ڈرامہ کیوں بنا دیا گیا، اہم سوال پیدا ہو گیا ہے۔

یاد رہے کہ رواں سال 15 اگست کو بھارتی وزیراعظم نریندر مودی نے یوم آزادی کی تقریب میں خطاب میں اعلان کیا تھا کہ تینوں بھارتی افواج کے لیے ایک نیا عہدہ، چیف آف ڈیفنس اسٹاف کا بنایا جائے گا۔

بھارت میں آرمی چیف کا عہدہ 3 سال کی مدت کا ہوتا ہے۔ بھارت میں آج تک کسی بھی سروسز چیف کی مدت ملازمت میں توسیع نہیں کی گئی۔ بھارت میں بہت سے آرمی چیف گزرے ہیں جنہوں نے 3 سال بطور آرمی چیف پورے ہی نہیں کیے، بیشتر آرمی چیف 62 سال عمر ہونے کی وجہ سے 3 سال پورے ہونے سے پہلے ہی ریٹائر ہوتے رہے ہیں۔