ایرانی سپریم لیڈر آیت اللہ خامنہ ای نے کہا کہ امریکی صدر ڈونلڈ ٹرمپ غلطی پر ہیں کیونکہ امریکی سفارتخانے پر حملہ کا ایران سے کوئی تعلق نہیں ہے۔

تفصیلات کے مطابق ا یرانی سپریم لیڈر آیت اللہ خامنہ ای نے کہا کہ یرانی قوم اور حکومت، امریکہ کے اس سفاکانہ اقدام کو شدید الفاظ میں مذمت کرتے ہیں۔

آیت اللہ خامنہ ای نے یہ کہا کہ حالیہ دنوں میں عراقی رضاکار فورسز حشدالشعبی کے ٹھکانوں پر امریکی حملے کے جوابی ردعمل میں عراقی عوام نے عراق میں واقع امریکی سفارتخانے پر دھاوا بول دیا جبکہ امریکی صدر کی  ٹوئیٹ کا  جواب دیتے ہوئے ان کا کہنا تھا کہ  امریکی صدر غلطی پر ہیں کیونکہ حملے  کا ایران سے کوئی تعلق نہیں ہے اور دوسرا یہ ہے کہ آپ بہت غیر منطقی ہیں۔

آیت اللہ خامنہ ای نے یہ بھی  کہا کہ واشنگٹن حقیقت میں مقبول قوتوں سے انتقام لے رہا ہےجبکہ داعش کو امریکا نے نشکیل دیا اور اس کی پرورش کی۔

عراق میں امریکی سفارتخانے پر حملہ، ٹرمپ کی ایران کی کو دھمکی

ایرانی سپریم لیڈر آیت اللہ خامنہ ای  نے مزید کہا کہ اگر اسلامی جمہوریہ ایران کسی بھی ملک کے خلاف مقابلہ کرنے کا فیصلہ کرے تو وہ واضح طور پر ایسا کرے گا لیکن سب جانتے ہیں کہ ہم ملک اور قوم کے مفادات پر پابند ہیں اور ان مفادات کے خلاف کسی بھی دہمکی کا جلد جواب دیں گے۔

دوسری جانب نئے سال کے آغاز پر امریکی صدر ڈونلڈ ٹرمپ نے سماجی رابطے کی ویب سائٹ ٹوئیٹر پر دھمکی دیتے ہوئے کہا کہ ایران کو اس حملے میں ہونے والے کسی بھی جانی اور مالی نقصان کی بھاری قیمت چکانی پڑے گی اور یہ انتباہ نہیں دھمکی ہے۔

امریکی صدر نے کہا کہ عراق میں امریکی سفارت خانہ محفوظ ہے ، حملے کے فوری بعد مہلک ترین جدید ہتھیاروں سے لیس ہمارے فوجی اہلکارفوری  طور پر موقع پر پہنچ گئے تھے۔

ڈونلڈ ٹرمپ نے مزید کہا کہ  ہماری درخواست پر فوری ردعمل دینے پر عراقی صد اور وزیراعظم کا شکریہ بھی ادا کرتے ہیں۔

واضح رہے کہ گذشتہ روز عراق کے شہر بغداد میں ہزاروں مظاہرین اور ملیشیا کے جنگجوؤں نے امریکی سفارتخانے کے باہر جمع ہو کر پرتشدد احتجاج کیا تھا اور مظاہرین سفارت خانے کے احاطے میں داخل ہونے میں کامیاب ہو گئے تھے۔

جس پر امریکی صدر نے عراق میں امریکی سفارت خانے پر حملے کی شدید الفاظ میں مذمت کی کرتے ہوئے الزام عائد کیا تھا کہ ان حملوں میں ایران ملوث ہے۔