وزیر اعظم پاکستان کی معاون خصوصی فردوس عاشق اعوان آج دو روزہ دورے پر کوئٹہ پہنچ گئی ہیں۔

تفصیلات کے مطابق فردوس عاشق اعوان نے کوئٹہ ائیر پورٹ پر میڈیا سے بات چیت کرتے ہوئے کہا کہ وزیر اعظم نے بلوچستان کی ترقی کو ہمیشہ پاکستان کی ترقی سے جوڑا ہے۔

مشیر اطلاعات ونشریات ڈاکٹر فردوس عاشق اعوان نے کہا ہے کہ بھارت نے جس جبری دہشت گردی سے کشمیری عوام کی آواز دبانے کی کوشش کی لیکن وزیر اعظم عمران خان نے کشمریوں کی آواز بلند کی ہے۔

ان کا مزید کہا تھا کہ وزیر اعظم عمران خان نے کشمریوں کی آواز بلند کی اور صدر ٹرمپ سے مسلہ کشمیر کے حوالے سے ملاقات بھی کی ہے۔

فردوس عاشق نے کہا کہ صدر ٹرمپ کا بار بار مسلہ کشمیر کے ایشو پر بولنا پاکستان کی بہتر سفارتی تعلقات کا نتیجہ ہے۔

وزیر اعظم ایک چٹان بن کشمیریوں کے لیے آواز اٹھاتے رہیں گے، فردوس عاشق اعوان

گزشتہ ماہ قبل مشیر اطلاعات فردوس عاشق اعوان نے کہا تھا کہ وزیراعظم عمران خان ایک چٹان بن کشمیریوں کے لیے آواز اٹھاتے رہیں گے۔

معاون خصوصی اطلاعات  نے ڈی چوک میں میڈیا سے بات کرتے ہوئے کہا تھا کہ وزیراعظم کشمیریوں کے وکیل، سفیر اور ترجمان بن کر ان کی آزادی کے لیے آواز اٹھا رہے ہیں۔

فردوس عاشق اعوان کا کہنا تھا کہ آج وزیراعظم پاکستان نے مظلوم کشمیریوں کے ساتھ جو وعدہ کیا بائس کروڑ عوام کہ بھارت نے جس زنجیر سے کشمیریوں کو جکڑ رکھا ہے وہ اسے توڑ دیں گے۔

مشیر اطلاعات کا یہ بھی کہنا تھا کہ پاکستانیوں کے دل کشمیریوں کے ساتھ دھڑکتے ہیں، مشکل کی اس گھڑی میں کشمیریوں کے ساتھ کھڑے ہیں اور کشمیر میں آزادی کی شمع روشن ہو گی۔

واضح رہے اس سے قبل سماجی را بطے کی ویب سائٹ ٹو ئٹرپر اپنے ٹویٹ میں وزیر اعظم پاکستان کی معاون خصوصی نے کہا تھا کہ بھارتی افواج انسانیت کی تذلیل کر رہی ہے، وزیراعظم عمران خان آج مقبوضہ جموں کشمیر کے مظلوموں کے ساتھ اظہار یکجہتی کرتے ہوئے انسانی ہاتھوں کی زنجیر بنائیں گے۔

ڈاکٹر فردوس عاشق اعوان کا مزید کہنا تھا کہ چین نے کشمیر کو تاریخ کا متنازعہ مقدمہ قرار دے کر بھارتی موقف مسترد کردیا ہے، سلامتی کونسل کے مستقل رکن کا یہ اصولی موقف مقبوضہ جموں کشمیر کے عوام کے لئے مکمل یکجہتی کا اظہار ہے۔