ممبئی کے ضلع  ناسک میں ایک آٹورکشا اور بس کے درمیان تصادم  کے نتیجے میں سات سالہ بچی سمیت 26  افراد ہلاک ہوگئے۔

پولیس حکام کے ساتھ  ہنگامی عملے نے جائے وقوعہ پر پہنچ کر لاشوں اور زخمیوں کو اسپتال منتقل کردیا۔

بھارت کے دارالحکومت ممبئی سے تقریبا  254 کلومیٹر (158 میل) دور ناسک ضلع میں یہ حادثہ  پیش آیا۔  بس رکشہ سے تصادم کے بعد کنویں میں جا گری جسے بعد میں کرین کے زریعے باہر نکالا گیا۔  پولیس حکام کے مطابق 26 لاشیں اور 32 زخمیوں کو اسپتال منتقل کردیا گیا۔

ہلاک ہونے والوں میں بس ڈرائیور بھی شامل ہے۔ ناقص سڑکوں، ناقص گاڑیوں اور لاپرواہی سے ڈرائیونگ کرنے کی وجہ سے بھارت میں سالانہ 150،000 سے زیادہ اموات ریکارڈ ہوتی ہیں۔

واضح رہے کہ اس سے قبل  بھارتی ریاست اڑیشہ میں مال  گاڑی اورٹرین  کےدرمیان تصادم  میں 5 افرادہلاک اور40 زخمی ہوگئے تھے۔

بھارتی ریاست اڑیشہ کے ضلع کٹک میں جمعرات کی صبح سلاگاؤں کے نزدیک لوک مانیہ تلک ایکسپریس کو پیچھے سے آنے والے ایک مال گاڑی نے ٹکر مار دی جس سے ٹرین کے آٹھ ڈبے پٹری سے اترگئے۔

 حادثےمیں خواتین اور بچوں سمیت 5 افرادہلاک ہوگئے تھے۔ جبکہ حادثہ میں 40 مسافرکے زخمی بھی ہوئے تھے۔