صدر رجب طیب ایردوان  نے  کہا ہے کہ سال رواں میں  ملکی شرح ترقی کی رفتار 5 فیصد  تک بڑھ سکتی جو کہ عالمی شرح ترقی  کی 3٫4 فیصد سے زیادہ ہو گی۔

صدر رجب طیب ایردوان  نے  کہا ہے کہ   ہمارا ہدف ملکی معیشت کو 3.4 فیصد  کی عالمی توقع سے بڑھانا ہے ۔

 صدر نے انقرہ میں سال 2019 کے جائزاتی پروگرام سے خطاب میں کہا کہ نئے اقتصادی پروگرام  کی بدولت ملکی افراط زر کی شرح  اس سال  8٫5 فیصد ہے جسے 4.9 فیصد تک لانا ہمارا مقصد ہے۔

انہوں  نے امید ظاہر کی کہ سال رواں میں  ملکی شرح ترقی کی رفتار 5 فیصد  تک بڑھ سکتی جو کہ عالمی شرح ترقی  کی 3٫4 فیصد سے زیادہ ہو گی ،اس نئے اقتصادی پروگرام    کے مطابق  آئندہ کے 3 سالوں   میں  ملک میں  افرادی قوت  کی  تعداد 3٫2 ملین  مقرر  کرتےہوئے  ملک میں بے روزگاری کی شرح کو 9٫8 فیصد تک لانے کا بھی  ہدف رکھا گیا ہے۔

ترک صدر کا ڈونلڈ ٹرمپ کے عمل پر افسوس کا اظہار

 دہشتگردی کے مسئلے پر انہوں نے کہا  کہ   قومی اتحاد اور رواداری   کو   مزید فروغ دیتے ہوئے دہشتگرد تنظیموں کو اپنی سرحدوں سے دور کرنے ،شر پسندوں  کےلیے یہ دنیا  ایک  قید خا نہ بنانے  اور ملکی معیشت کو نقصان پہچانے والے تمام عناصر  کا صفایا کرنا  بھی ہمارے مشن کا حصہ ہے۔

صدر کا کہنا تھا کہ  ملکی ترقی ، پیداوار اور برآمدات میں اضافہ  کرنے سمیت  بحیرہ روم     اور دیگر عالمی میدانوں میں اپنے حقوق کا تحفظ  کریں گے جو کہ   اس بات کی غمازی کرتا ہے کہ  ترکی انتہائی مشکل حالات میں بھی اپنی پیروں پر کھڑا رہنےکی صلاحیت رکھتا ہے۔

صدر ایردوان نے کہا کہ گزشتہ سال  دہشتگردی کے خلاف کاروائی میں  1250 دہشتگرد مارے گئے،   داعش اور القائدہ جیسی تنظیموں  کے بھی 388 کارندے  ہلاک  کیے گئے جو کہ  یہ ظاہر کرتا ہے کہ حکومت   ملکی چپے چپے کا دفاع کرنا  اپنا فرض سمجھتی ہے مزید برآں، ترکی کے پہلے قومی خبر رساں سیارے    ترک سیٹ  6اے   کی تکمیل  بھی اپنے آخری مراحل میں ہے  جو کہ اگلے سال خلا میں بھیجا جائے گا ،اسی طرح  صحت، تعلیم،انصاف،معیشت اور زرعی شعبوں   کی ترقی کےلیے بھی  متعلقہ پروگراموں کو جاری رکھا جائے گا