عراق میں جنرل  قاسم سلیمانی کی شہادت  کے بعد  بریگیڈیئر جنرل اسماعیل قانی کو القدس فورس کا کمانڈر مقرر کردیا گیا ہے ۔

غیر ملکی میڈیا کے مطابق  ایرانی پاسداران انقلاب کی ذیلی تنظیم القدس فورس کے سربراہ میجر جنرل قاسم سلیمانی کی ہلاکت کے بعد ایران کی قومی سلامتی  کونسل کا ہنگامی اجلاس ہوا ۔

رپورٹ کے مطابق ایرانی سپریم لیڈرآیت اللہ  خامنہ ای نے پہلی بار  اجلاس میں شرکت کی۔

آیت اللہ خامنہ ای نے بریگیڈیئر جنرل اسماعیل قاآنی کو قدس فورس کا کمانڈر مقررکیا ہے۔

بریگیڈیئر جنرل اسماعیل قانی قدس فورس کے نائب کی حیثیت سے خدمات سرانجام دے رہے تھے اور ان کا شمار ایران کے اہم عسکری کمانڈروں میں ہوتا ہے اور انہوں نے 1980 کی دہائی میں عراق ایران جنگ کے دوران اہم کردار ادا کیا تھا۔

قاسم سلیمانی کی موت،دنیاتیسری جنگِ عظیم کےدھانےپر

واضح رہے کہ اس سے قبلعراقی شہربغدادمیں ایئرپورٹ کےنزدیک امریکاکےفضائی حملےمیں ایران کی سپاہ قدس کے سربراہ قاسم سلیمانی جاں بحق ہوگئے۔

برطانوی خبررساں ادارےکی رپورٹ کےمطابق پینٹاگون سےجاری بیان میں کہاگیاکہ’صدر کی ہدایات پرامریکی فوج نےقاسم سلیمانی کوہلاک کرکے بیرونِ ملک موجودامریکیوں کو محفوظ رکھنےکےلیےفیصلہ کن کارروائی کی‘۔اس حملےکامقصدمستقبل میں ایرانی حملوں کی منصوبہ بندی کوروکنا تھا، ـ

پینٹاگون سےجاری بیان میں کہا گیا کہ قاسم سلیمانی گزشتہ کئی ماہ سے عراق میں اتحادی بیسز پر حملوں کی ’منصوبہ بندی‘ کررہے تھے اور رواں ہفتے کے آغاز میں بغداد میں امریکی سفارتخانے پر ’حملوں‘ کی منظوری بھی دی۔

قاسم سلیمانی کی ہلاکت کےبعدامریکی صدرڈونلڈٹرمپ نےسماجی روابطےکی ویب سائٹ ٹوئٹرپرکچھ لکھےبغیرامریکی جھنڈےکی تصویرپوسٹ کی۔

حکام کامزید کہناتھاکہ ایران کاممکنہ ردِعمل جانتے ہیں اور امریکی فوجی حکام اپنا دفاع کرنے کے لیے تیار ہیں،انہوں نےخطےمیں موجود امریکی فوجی اثاثوں اوراہلکاروں میں اضافہ کرنے کو خارج ازامکان قرار نہیں دیا۔