لڑکا بن کر لڑکیوں کو دھوکا دینے والی لڑکی سلاخوں کے پیچھے کر دی گئی۔

تفصیلات کے مطابق برطانیہ کی عدالت نے 21 سالہ خاتون کو لڑکا بن کر لڑکیوں کو دھوکا دینے پر 8 سال جیل کی سزا سنادی۔

21 سالہ خاتون کو کم سے کم 50 کم عمر لڑکیوں کو پھنسانے اور انہیں جنسی طور پر متحرک کرنے کے الزام میں سزا سنادی۔

گیما واٹس پر الزام تھا کہ انہوں نے انسٹاگرام سمیت دیگر سوشل ایپلی کیشنز پر جھوٹا اکاؤنٹ بنایا،16 سالہ لڑکے ’جیک ویٹن‘ کے نام سے اکاؤنٹ میں اپنی اصلی تصاویر استعمال کیں۔

گیما واٹس پر مذکورہ عدالت نے نومبر 2019 میں فرد جرم عائد کی تھی اور انہیں کم عمر لڑکیوں کو پھنسانے، انہیں بلیک میل کرنے اور انہیں ’جنسی طور پر متحرک‘ کرنے یا انہیں ’جنسی خواہشات‘ کے ساتھ زندگی گزارنے کا عادی بنانے کا مجرم قرار دیا تھا۔

پولیس نے بتایا کہ خاتون اپنے سوشل مڈیا اکاؤنٹس پر اپنی اصل تصاویر اور ویڈیوز شیئر کرتی تھیں لیکن کسی نے بھی ان پر کبھی شک نہیں کیا، تھا تاہم 2018 کے وسط میں پولیس کو ایک خاندان کی جانب سے ان کی شکایت ملی۔

دلچسپ بات یہ ہے کہ خاتون متعدد بار نہ صرف آن لائن دوست بننے والی لڑکیوں کے ساتھ ملیں بلکہ وہ کئی دوست لڑکیوں کے والدین سے بھی ملیں اور کسی کو بھی یہ شبہ تک نہ ہوا کہ وہ ایک خاتون سے مل رہے ہیں۔

اس سے قبل پولیس نے 2018 میں گیما واٹس کو وارننگ دے کر چھوڑ دیا تھا۔

یاد رہے کہ کم عمر لڑکا بن کر لڑکیوں کو پھنسانے والی خاتون پر انگلینڈ کی عدالت نے نومبر 2018 میں فرد جرم عائد کرتے ہوئے انہیں مجرم قرار دیا اور جنوری 2020 میں انہیں 8 سال قید کی سزا سنادی۔

کم عمر لڑکیوں کا کہنا تھا کہ وہ یہی خیال کرتی رہیں کہ انہیں اپنا ہم عمر لڑکا پیار کرنے والا ملا ہے تاہم اصلیت کا علم ہونے کے بعد وہ ذہنی مسائل کا شکار ہوگئیں اور انہیں زندگی بے رنگ لگنے لگی۔

واضح رہے کہ لڑکا بن کر نابالغ اور کم عمر لڑکیوں کو پھنسانے والی خاتون نے پولیس کو دوران تفتیش بتایا تھا کہ انہوں نے ایک ویڈیو گیم دیکھنے کے بعد ہی مذکورہ منصوبہ بنایا اور اس پر عمل کیا۔