افغان طالبان امریکی دستوں پر حملوں کے حوالے سے 10روزہ جنگ بندی پر آمادہ ہو گئے ہیں۔

تفصیلات کے مطابق طالبان دفتر کے ترجمان سہیل شاہین  نے سماجی رابطے کی ویب سائٹ ٹویٹر پر اپنے ایک پیغام میں کہا کہ افغانستان میں طالبان نے دو حہ میں جاری مذاکرات کے دوران امریکی مذاکرات کاروں کے ساتھ معاہدہ طے پانے کی صورت میں امریکی فوجیوں کے ساتھ دس روزہ جنگ بندی پر عملدرآمد اور افغان حکومت کےخلاف حملوں میں کمی لانے پر رضا مندی ظاہر کی ہے۔

قطر کے دارالحکومت دوحہ میں طالبان دفتر کے ترجمان سہیل شاہین نے آج ایک ٹویٹ میں کہا کہ فریقین کے درمیان مذاکرات بہت مفید رہے۔

انہوں نے کہا کہ اگر معاہدہ طےپاجاتا ہے تو اس سے افغانستان میں جنگ کے مستقل  خاتمے کی امیدیں دوبارہ روشن ہوجائیں گی۔

قطرمیں امریکا اورطالبان کےدرمیان مذاکرات کا آٹھواں دور

 ذرائع کا کہنا تھا کہ اگر طلبان  کی دوحہ میں امریکہ کے ساتھ بات چیت کامیاب رہی تو وہ آئندہ کابل حکومت کے ساتھ مذاکرات پر بھی تیار ہوں گے جس کی تصدیق  وزیر برائے امن مزاکرات سلام رحیمی نے بھی کی ہے۔

ذرائع کا یہ بھی کہنا تھا کہ امریکہ کے ساتھ معاہدہ طے ہونے  کی صورت میں وہ افغان حکومت کے ساتھ اپنی مسلح کارروائیوں میں کمی سے متعلق مذاکرات پر بھی تیار ہوں گے۔