ایرانی سپریم لیڈر آیت اللہ خامنہ ای نے کہا ہے کہ یوکرائن طیارہ حادثہ بہت افسوناک تھا۔

آٹھ سال بعد نماز جمعہ کے خطبے سے خطاب کرتے ہوئے  ایرانی سپریم لیڈر آیت اللہ خامنہ ای  کا کہنا تھا کہ طیارہ حادثے پر مظاہرہ جنرل سلیمانی کی شہادت کو پس پشت ڈالنا ہے۔

انہوں نے کہا کہ دشمنوں نے طیارہ حادثے کو جواز بناکر سپاہ پاسدارن گارڈز کو کمزور کرنا چاہا ہے۔

آیت اللہ خامنہ ای نے کہا کہ جنرل قاسم سلیمانی بہت بہادر کمانڈر تھے ، امریکانے بزدلانہ طریقے سے جنرل سلیمانی کا قتل کیا ۔

ایرانی سپریم لیڈر  کا مزیدکہنا تھا کہ عراق میں امریکی فورسز پر حملہ جنرل قاسم سیلمانی کے قتل کا ردعمل تھا ۔پاسداران انقلاب کا ردعمل امریکا کے سپر پاور ہونے کے دعوے کو ایک بڑا دھچکا تھا ۔

امریکا کا ایرانی میزائل حملے میں فوجیوں کے زخمی ہونے کا اعتراف

 انہوں نے کہا کہ امریکا نے افغانستان اور عراق میں ہزاروں افراد کو  بے گناہ قتل کیا ہے۔

آیت اللہ خامنہ ای نے کہا کہ امریکانے  ایران پر معاشی اور اقتصادی پابندیاں لگا کر اپنی ہی ساکھ کو نقصان پہنچایا ہے۔ ہمیں خوفزدہ ہونے کی ضرورت نہیں اللہ ہمارے ساتھ ہے۔

ایرانی سپریم لیڈر نے جوہری معاہدے سے متعلق یورپی  ممالک پر بھی شدید تنقید کی۔

انہوں نے برطانوی ، جرمنی اور فرانسیسی رہنماؤں کو تنقید کا نشانہ بنایا جنہوں نے اعتراف کیا تھا کہ رواں ہفتے امریکی صدر ڈونلڈ ٹرمپ کے دباؤ میں ایسا عمل شروع کیا گیا جس سے ایران پر یورپی پابندیوں کا نفاذ ہوسکے۔

آیت اللہ خامنہ ای نے یورپی رہنماؤں کو مخاطب کرتے ہوئے کہا کہ آپ سب مل کر بھی ایرانی قوم کو گھٹنے ٹیکنے پر مجبور کرنے کے لیے بہت چھوٹے ہیں۔

سپریم لیڈر نے کہا کہ یورپی ریاستوں پر کسی طور اعتبار نہیں کیا جاسکتا ۔ ان کی بات چیت میں شمولیت ہمیشہ  دھوکہ دہی  اور مفاد پرستی سے وابستہ  رہی ہے۔